१२ भदौ, विराटनगर ।
नयाँ सिजनको साउदी प्रो-लिगमा क्रिस्टियानो रोनाल्डो आबद्ध अल नासरले पहिलो जित निकालेको छ । मंगलबार राति नासरले अल फेहियालाई उसैको मैदानमा ४-१ गोलले हराएको हो ।
अघिल्लो खेलमा नासरले अल राइदसँग १-१ गोलको बराबरी खेल्दै अंक बाँडेको थियो । दोस्रो खेलमा जित निकालेको ऊ चार अंक जोड्दै अंक तालिकाको दोस्रो स्थानमा उक्लिएको छ ।
गए राति नासरको जितमा तलिस्काले दुई गोल गर्दा रोनाल्डो र मार्सेलो ब्रोजोभिकले एक-एक गोल गरे । फेहियाका फेसन साकालाले एक गोल गरे ।
सन् २०२२ इंग्लिस प्रिमियर लिग क्बल छोडेर साउदी आएका रोनाल्डोले नासरबाट ६२ गोल गरेका छन् । उनले नासरका लागि ६८ खेल खेल्दा १७ असिस्टसमेत गरेका छन् ।
गएराति भएको खेलमा एक गोल गरेका उनले सामाजिक सञ्जालमा लेखेका छन्, ‘यो त सुरुआतमात्र हो ।’