६ पुष, काठमाडौं । प्रधानमन्त्री केपी शर्मा ओलीले निर्वाचनमा होमिन आह्वान गरेका छन् ।
प्रतिनिधिसभाको निर्वाचन घोषणा गरेको भोलीपल्ट सोमबार देशबासीका नाममा सम्बोधन गर्दै उनले सरकारलाई चारैतिरबाट घेराबन्दी गरेकाले संसद विघटन गरि मध्यावधि निर्वाचन घोषणा गर्नुपरेको प्रष्ट पारे । उनले ताजा जनादेशमा जाने निर्णय गरेको भन्दै त्यसमा होमिन देशवासीलाई आह्वान गरेका छन् । संसद विघटन आकस्मिक नभएको उनको तर्क छ । लामो समयदेखि सत्तारुढ नेपाल कम्युनिष्ट पार्टी (नेकपा) भित्रका केही नेताहरुको सत्तास्वार्थका कारण संसद विघटित भएको उनको दाबी गरे । नेकपाका अध्यक्ष ओलीले विपक्षी नेतालाई पनि उछिनेर आफ्नो पार्टीभित्रका केही नेताहरु पद र प्रतिष्ठामा मात्र केन्द्रित रहेको पनि जिकिर गरे ।