२७ माघ , विराटनगर।
नेकपा एकीकृत समाजवादी पार्टी निकट विद्यार्थी संगठन अनेरास्ववियूको अध्यक्षमा महेश श्रेष्ठ चयन भएका छन् । तिनकुने स्थित पार्टी कार्यालयमा आयोजित संगठनको केन्द्रिय कमिटी बैठकले श्रेष्ठलाई अध्यक्ष नियुक्त गरेको हो ।
यसअघि उनी संगठनका महासचिव थिए । पार्टीले एक व्यक्ति एक पदको अवधारणा अघि सारेपछि आरती लामालाई अखिलबाट बिदा गरिएको थियो। त्यस्तै उपाध्यक्षमा अशोक थापा,कल्याण दाहाल,किशोर टण्डन,भुपेन्द्र शाह,मिलन राई,दिनेश लो,मेघनाथ चापागाईं,डम्बर सिंह,राजकिशोर यादव,नरेश न्यौपाने रहेका छन।
त्यस्तै, संगठनको महासचिवमा राजन शर्मा पराजुली चयन भएका छन। श्रेष्ठले राजधानीको रत्नराज्यलक्ष्मी क्याम्पसबाट विद्यार्थी राजनीति आरम्भ गरेका थिए। यसअघि अध्यक्ष रहेकी आरती लामालाई पार्टी अध्यक्ष माधव नेपालले अन्तर पार्टी निर्देशन (अपानि)मार्फत हटाएर श्रेष्ठलाई जिम्मेवारी दिइएको हो।
श्रेष्ठ माधव नेपाल निकटस्थ हुन्। यसअघि अध्यक्ष रहेकी आरती पार्टी महासचिव घनश्याम भुसाल निकटस्थ थिइन्।
