३१ चैत, विराटनगर । नेपालमा एकैदिन थप ४६० जनामा कोरोना संक्रमण पुष्टि भएको छ ।
यससँगै नेपालमा संक्रमितको संख्या २ लाख ८० हजार ९८४ पुगेको हो ।
यस्तै, २४ घण्टामा १५३ जना कोरोनाबाट मुक्त भएका छन् । हालसम्म २ लाख ७४ हजार ३१८ जना संक्रमणमुक्त भएको मन्त्रालयको तथ्यांक छ ।
नेपालमा कोरोना संक्रमणबाट आज थप ५ जनाको निधन भएको छ । हालसम्म कोरोनाबाट मृत्यु हुनेको संख्या ३ हजार ५८ पुगेको छ ।
त्यस्तै ३ हजार ६ सय ८ जना सक्रिय संक्रमित र ८५ जना क्वारेन्टाइनमा रहेको मन्त्रालयले जनाएको छ । हालसम्म नेपालमा २३ लाख २१ हजार ६ सय ७० पीसीआर परीक्षण भएका छन् ।