७ बैशाख, काठमाडौ । त्रिकोणात्मक टी–ट्वान्टी क्रिकेट सिरिजमा नेपाल नेदरल्याण्डसँग ३ विकेटले पराजित भएको छ ।
मंगलबार टियु क्रिकेट मैदानमा भएको खेलमा नेपालले दिएको २०७ रनको लक्ष्य नेदरल्याण्डले १९.३ ओभरमा ७ विकेट गुमाउँदै पुरा गर्यो ।
नेदरल्याण्डका बिन कपर र बास डे लिडाले अर्धशतक पारी खेले । कपरले ५५ रनको योगदान दिए । लिडाले ८१ रन जोडे । यस्तै, टाविस भिसाले १५, पिटार सेलारले ३१, स्कट इड्वार्डले २ र आर्यन दत्त शून्य रनमा आउट भए ।
नेपालका लागि सन्दीप लामिछानेले ४ विकेट लिए । अविनाश बोहरा र कुशल मल्ल र करन केसीले एक÷एक विकेट लिए ।
यसअघि टस जितेर ब्याटिङ गरेको नेपालले नेदरल्याण्डलाई २०७ रनको चुनौती दिएको छ ।
नेपालले २० ओभरमा ६ विकेट गुमाउँदै २०६ रन बनाएको हो ।