१४ पुस, काठमाडाैँ ।
नेपाल कम्युनिष्ट पार्टी(नेकपा) प्रचण्ड–माधव समूहका अध्यक्ष माधव कुमार नेपालले प्रधानमन्त्री केपी शर्मा ओलीले नेपाली जनतालाई सुख भन्दा बढी दुःख दिएको बताएका छन् । मंगलबार नेकपा प्रचण्ड–माधव समूहले काठमाडौँमाआयोजना गरेको विरोध सभालाई सम्बोधन गर्दै अध्यक्ष नेपालले प्रधानमन्त्री केपी शर्मा ओलीले नेपाली जनतालाई सुख कम र दुःख बढी दिएको टिप्पणी गरेका हुन् । प्रधानमन्त्री ओलीमा कम्युनिष्ट आचरण नभएको भन्दै उनले अर्काको खिस्सीट्युरी गर्ने, सल्लाह तथा सामूहिकतामा विश्वास नगर्ने निरंकुश चरित्र रहेको बताए ।
प्रधानमन्त्रीओलीको प्रतिनिधि सभा विघटनको कदम आफुहरुलाई स्वीकार नभएको अध्यक्ष नेपालको भनाई छ । यो कदम राजनीतिक, जनभावनाको हिसाबले, नेकपा पार्टीको निर्णयको हिसाबले कुनैपनि रुपमाअनुपयुक्त रहेको उनको तर्क छ । प्रधानमन्त्री ओलीले पार्टीको निर्णय समेत नमानेको कारण पार्टी अध्यक्षबाट हटाएको तर सुध्रिनु हुन्छ कि भनि हालसम्म पार्टी सदस्यबाट भने कारबाही नगरिएको अध्यक्ष नेपालले बताए । केपी प्रवृतिको नास गराउनुपर्ने बेलाआएको भन्दै यसका निम्ति सम्पूर्ण लोकतान्त्रिक शक्ति एक भएर हातेमालो गर्नुपर्ने आवश्यकता औँल्याए । प्रतिनिधि सभा विघटन भएको अवस्थामा सरकार काम चलाउ हुने भएपनि सरकारले हालसम्म कामचलाउ भएको घोषणा नगरेको उनको भनाई छ । ओली पक्षले विभिन्न लोभ, लालचमा मानिसहरु तान्ने प्रयास गरेको भएपनि बालुवाटारको गुटको भेला भएको र आफुहरु आधिकारीक रहेको बताए ।
उनले इतिहासको पांग्रा पछाडी धकेल्न खोजिएको भन्दै नेपालको इतिहास पछाडी जान नसक्ने बताए । प्रतिनिधि सभाको पुर्नवहाली गराउन सबै राजनीतिकदल एकताबद्ध भएर अघि बढ्न आह्वान गरेका छन् ।
