१४ असार, एजेन्सी ।
अमेरिकी इतिहासमा सबैभन्दा पाका नेतृत्वहरुमध्ये एक राष्ट्रपति जो बाइडेन ८० वर्षका छन् । उनी आगामी २०२४ को राष्ट्रपतिय चुनावका लागि पुनः उमेद्वारी दिने तयारी पनि गर्दैछन् । यसैबीच बाइडेनको स्वास्थलाई लिएर फेरि चर्चा सुरु भएको छ । जो बाइडेन स्लीप एपनिया भन्ने स्वास्थसमस्यासंग जुधिरहेका छन् । र हालै उनको अनुहारमा एक निशान जस्तो पनि देखिएको थियो ।
त्यो निशानको कारण ऋएब्ए अर्थात कन्टिन्युअस पोजेटिभ एयरवे प्रेशर मशीनलाई मानिएको छ । जसले उनलाई स्लीप एपनियाको उपचारमा मद्यत गर्छ । स्लीप एपनिया एक प्रकारको डिसअर्डर हो, योसंग जुधिरहेको व्यक्ति सुतिरहेका बेला स्वास फेर्न नै नसक्ने अवस्थामा पुग्छन् । यसको एक कारण एयरवे अर्थात स्वासनलिमा ब्लकेज हुनु हो जसलाई अब्सट्रक्टिभ स्लीप एपनिया अन्तर्गत राखिएको छ ।
अर्को कारण भनेको जब व्यक्तिको दिमाग उसको स्वास फेर्ने प्रक्रियालाई ठिक ढंगले संचालन गर्न सक्दैन, त्यस्तो अवस्थामा सेन्ट्रल एपनिया भनिन्छ । अक्सिजनको कमीले पटक पटक यस्तो समस्या भएकालाई निन्द्राबाट उठाइरहन्छ अर्थात पीडित व्यक्ति सुत्न पाउँदैनन् । यस्तो समस्या भएकाहरु जीवित त रहन्छन् तर उनीहरुको निन्द्रा भने एक प्रकारले गायव नै हुन्छ र शारीरिकसंगै मानिसक तनाव पनि रहन्छ ।
अहिले बाइडेन यस्तै समस्याबाट गुज्रिरहेका छन् । व्हाइट हाउसका प्रवक्ता एन्ड्रु बेट्स भन्छन्, सन २००८ देखि नै बाइडेनले आफूलाई यस्तो समस्या भएको बताएका थिए । उनि अहिले पनि कुनै कुनै राती सीपीएपी मशीनको प्रयोग गरिरहन्छन् । जुन यस्तो समस्या भएका विरामीहरुकालागि सामान्य नै हो । यो मशीनले एयरवेको माध्यमबाट हावाको बहाव बनाइरहन्छ ।
जसले एयरवे खुला रहन्छ र विरामीलाई स्वास लिन समस्या हुँदैन । ८० वर्षीय बाइडेन कयौं पटक सार्वजनिक कार्यक्रमहरुमा लडखडाएको, पछारिएकै देखिन्छन् । यो स्लीप एपनियाकै कारण भएका चिकित्सकहरु बताउँछन् । तर अहिलेसम्म उनलाई ठूलो चोटपटक भने लागेको छैन ।
बाइडेन २०२४ को राष्ट्रपति चुनाव लड्ने तयारीमा जुटेका छन् । उनले गत अप्रिलमै यसबारे औपचारिक घोषणा गरेका थिए । साथै अहिले विभिन्न कानूनी अड्चनहरु झेलिरहेका पूर्व राष्ट्रपति डोनाल्ड ट्रम्प पनि उनको प्रतिपर्धी बन्दैछन् ।
