१२ असार,एजेन्सी ।
रुसको रक्षा मन्त्रालयले रुसी वायुसेनाले कालो सागरमा तीनवटा बेलायती विमानलाई रोकेको दाबी गरेको छ । रक्षा मन्त्रालयका अनुसार दुई रुसी सुखोई–२७ लडाकु विमानले सोमबार रुसको सीमामा पुग्दा रोयल एयर फोर्स (आरएएफ) का दुई टाइफुन जेट र एक आरसी–१३५ निगरानी विमानलाई रोकेको हुन् ।
देशमा असफल कु’ प्रयास भइसकेपछि रुसले यस्तो जानकारी दिएको हो । यसबारे रुसको विदेश मन्त्रालयले पनि विज्ञप्ति जारी गरेको छ । यससँगै घटनाको भिडिओ पनि शेयर गरिएको छ । यो सम्पूर्ण घटना रुसको विदेश मन्त्रालयले जारी गरेको भिडिओमा देखाइएको छ । जेटको छेउमा रोयल एयर फोर्स लेखिएको छ।
रुसको मन्त्रालयले भनेको छ, ‘रुसी लडाकु विमान नजिक आएपछि लडाकु विमान रुसको सिमानाबाट पल्टिएर गए । रक्षा मन्त्रालयले भनेको छ कि रुसी विमानहरू सुरक्षित रूपमा आफ्नो आकाशमा फर्किएका छन् र त्यहाँ कुनै हवाई क्षेत्र उल्लङ्घन भएको छैन।
एक हप्ता अघि, रोयल एयर फोर्सले नेटो एयरस्पेस नजिकै उडान गरिरहेको रूसी विमानलाई पछ्याएको थियो । रुसी नौसेनाको टुपोलेभ टु–१३४ र दुई सुखोई एसयू–२७ फ्ल्याङ्करलाई पछ्याउन टाइफुन जेटहरू पठाइएको थियो। आरएएफको टाइफुन जेटहरू हाल इस्टोनियामा आधारित छन्।
बेलायत र यसका सहयोगीहरूलाई वाग्नर समूहको असफल प्रयासपछि रुसबाट सम्भावित प्रतिक्रियाको लागि तयार रहन भनिएको छ। कालो सागर युरोपको दक्षिणपूर्वी किनारमा अवस्थित छ। यसको उत्तरमा युक्रेन, उत्तरपूर्वमा रुस, पूर्वमा जर्जिया, दक्षिणमा टर्की र पश्चिममा बुल्गेरिया र रोमानिया रहेका छन् ।
वाग्नर आर्मीका लडाकुहरूले असफल विद्रोहको प्रयास गरेपछि रसियामा शनिबारदेखि स्थिति तनावपूर्ण छ। सोमबार जारी गरिएको सन्देशमा रूसी राष्ट्रपति भ्लादिमिर पुटिनले वाग्नर प्रमुख येभगेनी प्रिगोजिनलाई सजाय दिने वाचा गरेका छन् । पुटिनले यो सशस्त्र विद्रोहको विरुद्धमा सिंगो देश एकजुट भएको भन्दै पश्चिमा देशले ठगी गरेको आरोप लगाएका छन् ।
