काठमाडौं, ३ वैशाख । भारतमा कोरोना भाइरस संक्रमितको संख्या फेरि बढ्न थालेको छ ।
पछिल्लो २४ घण्टामा कोरोना भाइरसका ९ सय ७५ जना संक्रमित थपिएका केन्द्रीय स्वासथ्य मन्त्रालयले शनिबार बिहान जानकारी दिएको छ । मन्त्रालयका अनुसार शुक्रबार भारतमा चार जना कोरोना भाइरस संक्रमितको मृत्यु भएको थियो ।
योसँगै भारतमा कोरोना भाइरस संक्रमितको संख्या ४ करोड ३० लाख नाघेको छ । संक्रमणबाट मृत्यु हुनेको संख्या ५ लाख २१ हजार पुगेको छ ।
हाल भारतमा ११ हजार १ सय ९१ जना कोरोना भाइरसका सक्रिय संक्रमित रहेका छन् ।
