२४ साउन, काठमाडौं ।
सन् २०२१ को आईसीसी टी–२० विश्वकप क्रिकेट भारतमै हुने पक्का भएको छ । अन्तर्राष्ट्रिय क्रिकेट परिषद (आईसीसी)ले शुक्रबार २०२१ को टी–२० विश्वकप भारतमै हुने जनाएको हो ।
आईसीसीबाट अनुमति पाएसँगै भारतमा हुने विश्वकप सन् २०२१ को अक्टोबरदेखि नोभेम्बरसम्म हुनेछ । फाइनल नोभेम्बर १४ मा हुने बताइएको छ ।
अष्ट्रेलियामा २०२१ मै हुने भनिएको टी–२० विश्वकप भने २०२२ सम्मका लागि स्थगित गरिएको छ । अष्ट्रेलियामा यसै वर्ष अक्टोबरमा आयोजना हुने भनिएको टी–२० विश्वकप कोरोना भाइरस महामारीको कारण २०२१ सम्मको लागि स्थगित गरेको थियो ।
त्यस्तै आगामी वर्ष न्युजिल्याण्डमा हुने भनिएको महिलाको एक दिवसीय विश्वकप क्रिकेट भने एक वर्ष पछि आईसीसीले जनाएको छ ।