२० असार, एजेन्सी ।
एट्लान्टिक महासागरमा अफ्रिकी तट नजिकै रहेको स्पेनको क्यानरी टापुको तटमा वैज्ञानिकहरूले करोडौं मूल्यको ‘तैरिरहेको सुन’ फेला पारेका छन् । वास्तवमा, क्यानरी टापुको तटमा विशाल ह्वेल माछाको शव बगेको थियो। जब वैज्ञानिकहरूले यसलाई देखे, उनीहरूलाई थाहा थिएन कि यसको आन्द्रा भित्र अमूल्य खजाना लुकेको थियो ।
जब वैज्ञानिकहरूले यो ह्वेल माछाको पोस्टमार्टम गरे, तिनीहरूको खुशीको कुनै सीमा थिएन। उनीहरुले ह्वेलको आन्द्राभित्र खजाना फेला पारेका छन् जसलाई ‘फ्लोटिंग गोल्ड’ भनिन्छ । वैज्ञानिकहरुले समुद्र भित्रको तीव्र छाल र ज्वारभाटाका कारण पोस्टमार्टममा निकै समस्या भएको बताएका छन् ।
तैपनि, लास पाल्मास विश्वविद्यालयको पशु स्वास्थ्य तथा खाद्य सुरक्षा संस्थानका प्रमुख एन्टोनियो फर्नान्डेज रोड्रिग्जले ह्वेल कसरी मरेको थियो भन्ने कुरा पत्ता लगाउन आफू कटिबद्ध रहेको बताएका छन् । उनले ह्वेलको पाचन प्रणालीमा समस्या भएको बताए । जब उनले ह्वेलको मलाशय वा कोलोन जाँच गरे उनले केहि कडा अड्किएको पाए।
एन्टोनियोले भने, ‘जब मैले यसलाई निकालेँ, त्यो ९.५ किलोग्राम तौलको ढुङ्गा जस्तै थियो । त्यतिबेला समुद्रका छालहरूले ह्वेललाई धोइरहेको थिए। जब म समुद्र तटबाट फर्कदै थिए सबैले मलाई हेरिरहेका थिए तर मेरो हातमा के थियो कसैलाई थाहा थिएन। यो वास्तवमा ह्वेलको एम्बरग्रीस थियो। यसको दुर्लभताको कारण, यसलाई प्रायः फ्लोटिंग सुन भनिन्छ।
यो अत्तर बनाउन शताब्दीयौंदेखि प्रयोग हुँदै आएको छ। यो तैरिरहेको सुन एक सय स्पर्म ह्वेल मध्ये एकमा मात्र पाइन्छ । ह्वेल भित्र यो कसरी जन्मन्छ भन्ने रहस्य १९ औं शताब्दीमा खुलासा भएको थियो। विज्ञहरूका अनुसार ह्वेल माछाले ठूलो मात्रामा स्क्विड र कटलफिस खान्छ र तीमध्ये धेरैजसो पचाउन सक्दैनन्। यसपछि ह्वेलले माछालाई बान्ता गर्छ ।
तर, यसपछि पनि केही अंश ह्वेलभित्र वर्षौंसम्म रहन्छ । एम्बरग्रिस यसबाट बनाइएको हो। यो एक ठोस, मोमी, ज्वलनशील पदार्थ हो जुन हल्का खैरो वा कालो रंगको हुन्छ। यो धेरै पटक बाहिर निस्कन्छ र समुद्रमा तैरिरहेको पाइन्छ। एम्बरग्रीसको मल जस्तै गन्ध आउछ । तर, बिस्तारै माटो जस्तै बन्न थाल्छ । यसको मद्दतले बनेको परफ्युमको गन्ध लामो समयसम्म रहन्छ।
यस कारणका लागि यो महँगो ब्रान्डहरूले यसलाई प्रयोग गर्छन् र भारी मूल्य तिर्न तयार हुन्छन् । यस कारण धेरै पटक शिकारीहरूले ह्वेलको शिकार पनि गर्छन्। वैज्ञानिकहरूले यसको बिक्रीबाट प्राप्त रकम ला पाल्मा ज्वालामुखीका पीडितहरूलाई दान गर्ने निर्णय गरेका छन् । यसबाट करिब ५ लाख डलर प्राप्त हुने अनुमान गरिएको छ ।
