३० असोज, विराटनगर ।
अस्थायी/करार शिक्षक आन्दोलन समिति प्रदेश नम्बर १ ले पुनः मुख्यमन्त्री कार्यालय अगाडी प्रदर्शन गरेको छ । गत साउन १४ देखि आन्दोलन सुरु गरेको समितीले आफुहरुको माग पुरा नभएको भन्दै बिहीबार मुख्यमन्त्री कार्यालय अगाडी प्रर्दशन गरेको हो ।
प्रदर्शनका क्रममा आन्दोलनकारीले सडकमा बसेर सडक अवरुद्ध गर्न खोजेपछि प्रहरीले लाठ्ठी चार्ज गरेको थियो । लाठ्ठी चार्जबाट आन्दोलन समितिकी उपाध्यक्ष टिका रिजाल घाईते भएकी छिन् । लाठ्ठी चार्जपश्चात आक्रोशित उनीहरुले राज्य आतंक बन्द गर, रोजगारी खोस्न पाइँदैन, शिक्षा मन्त्री मुर्दावाद भन्दै नारा लगाएका थिए ।
सरकारले आफुहरुलाई रोजगारीको ग्यारेन्टी गर्नूपर्ने उनीहरुको माग छ । जीवनको महत्वपूर्ण समय मुलुकको शिक्षा क्षेत्रमा बिताएको र बुढेसकालमा सरकारले आफूहरूको रोजगारी खोसेको अस्थाई शिक्षक प्रदेश १ आन्दोलन समितिका संयोजक कपिलश्वर मण्डलले बताए ।
मुख्यमन्त्री कार्यालय पटक पटक आफ्नो समस्या लिएर पुगे पनि अहिले सम्म केही सुनेको नसुनै गरेको उनीहरुको गुनासो छ ।