१ मंसिर, कञ्चनपुर ।
प्रहरीले मोटरसाइकल, मोबाइल र लागू औषधसहित एक जनालाई पक्रेको छ ।
पक्राउ पर्नेमा कञ्चनपुरको बेल्डाडी गाउपालिका ५ घर भई हाल भिमदत्त नगरपालिका वडा नं. १८ मा बस्दै आएका २२ वर्षीय नरेन्द्रप्रसाद भट्ट रहेका छन् ।
उनको डेराबाट खैरो हिरोइन (४.४७ ग्राम), ८ वटा मोबाइल, नगद ६४ हजार ५ सय रुपैयाँ र टिभिएस कम्पनीको लु८१प ३७०५ नम्बरको मोटरसाइकल फेला परेको जिल्ला प्रहरी कार्यालय कञ्चनपुरले जनाएको छ ।
सोही कोठामा लागु औषध खरिद गर्न पुगेका भिमदत्त वडा नं. ४ बस्ने वर्ष ३८ का ज्ञानेन्द्र महर्जनसमेतलाई नियन्त्रण लिइएको छ ।