३० मंसिर, विराटनगर । मोरङको अमरदह बजारमा भीषण आगलागी भएको छ। बजारका पुराना व्यापारी पारस साहको थोक तथा किराना पसलमा मध्यरातबाट शुरु भएको आगो मंगलबार बिहान मात्रै नियन्त्रणमा आएको छ।
आगो निभाउन विराटनगर, दमक, बेलबारी र कानेपोखरीबाट चार वटा दमकल पुगेका थिए । मोरङ प्रहरीका अनुसार आगलागीको कारण नखुलेको तर बिजुली सर्ट भएर लागेको हुनसक्ने जनाएको छ।
स्थानीय, प्रहरी र बारुणयन्त्र कर्मचारीको प्रयासमा आगो नियन्त्रणमा आएको थियो। आगलागीबाट पसलका अधिकांश सामान जलेर नष्ट भएका छन्।
