विराटनगर, जेठ १
धार्मिक पर्यटकीय क्षेत्रको रुपमा विकास भई रहेको मोरङको बुढी खोला किनारको पुर्व तर्फ सुन्दरहरैचा ५ मा नेपालकै ठूलो भनिएको राधाकृष्ण मन्दिरको औपचारिक उद्घाटन गरिएको छ । प्रदेश नम्वर १का सामाजिक विकास मन्त्री जीवन घिमिरेले बुढी खोलाको किनाराको पूर्व तर्फ हिन्दु धर्मगुरु दिनबन्धु शास्त्रीको अगुवाईमा निर्माण सम्पन्न भएको मन्दिरको मंगलबार एक कार्यक्रम विच उद्घाटन गरेका हुन ।
राधाकृष्णको मन्दिर सहितका भौतिक पुर्वाधारहरुको निर्माण गर्दै राधेश्याम सेवा ट्रष्टले नयाँ वृन्दावन गौशाला बनाउने योजना अघि बढाउदै आएको छ । धार्मिक पर्यटकीय क्षेत्रका रुपमा विकसीत वन्दै आएको नयाँ वृन्दावन गौशालामा सुन्दरहरैचा नगरपालीकाले संसारकै अग्लो गाईको प्रतिमा निमार्ण गर्ने प्रक्रिया अघि वढाएको छ । नयाँ वृन्दावनका लागि करिब १ करोड बजेट बिनियोजन भइ सकेको नगरपालिकाका मेयर शिवप्रसाद ढकालले बताए ।
त्यसै गरी नयाँ वृन्दावन गौशालामा आउने भक्तजनलाई सहज होस भन्नका लागि पुर्वपश्चिम राजमार्ग देखि नै कालो पत्रे गर्ने योजना अन्र्तगत २ करोडको बजेट बिनियोजन गरि ठेक्का प्रक्रियामा गई सकेको समेत मेयर ढकालले जानकारी दिए ।
मन्दिर उद्घाटन कार्यक्रमका प्रमुख अतिथी घिमिरेले प्रदेश सरकारले सकारात्मक काममा आवश्यक सहयोग गर्दै जाने वताए । उनले धार्मिक पर्यटन प्रवद्धनमा नयाँ वृन्दावनले प्रदेश नम्वर १ मा महत्वपूर्ण योगदान गर्ने विश्वास व्यक्त गरे । प्राकृतिक रुपले मनोरम स्थलको रुपमा रहेको वुढीजमुना खोलाको पुर्व तर्फकोे किनारामा तिन विगाह जग्गामा भौतिक पुर्वाधार निर्माण गर्न थालिएको हो । २०६६ साल देखि राधेश्याम सेवा ट्रष्टले नयाँ वृन्दावन गौशालाको स्थापना गरी विभिन्न भौतिक पुर्वाधारहरु निर्माण गरिदै आएको छ ।
नयाँ वृन्दावन निर्माण कार्य थालेको ट्रष्टले गौ सेवाका लागि गौशाला भवन , गौ सेवक वासस्थान , शिव मन्दिर , वुद्ध मूर्ति स्थापना ,आश्रम भवन , रासी अनुसारको वृक्षारोपण गरी वगौचा निर्माण गरी सकेको छ । यसैगरी गुरुकुल शिक्षाको प्रारम्भ समेत भई सकेको छ । वृन्दावनमा मानवका पुर्खाका सबै ऋषिमुनिहरूका मूर्तिहरू समेत राख्ने योजना अनुसार केही ऋषिहरूका मूर्ति निर्माण गरिसकिएको श्री राधेश्याम सेवा ट्रष्ट नयाँ वृन्दावन गौशालाका संरक्षक शास्त्रीले जानकारी दिए ।
यस क्षेत्रमा विश्वकै अग्लो गाईको प्रतिमा निर्माण गरिने योजनाको पनि शुरुवात भइसकेको छ । निर्माण घोषणा गरेको ट्रष्ट र सुन्दरहैंचा नगरपालिकाले यसको काम अघि बढाइसकेका छन् । वृन्दावनमा कृष्ण लीला, गाईवाछा र वन विहारको झल्को दिने संरचना पनि निर्माण गरिने जनाइएको छ । हाल सेवाका लागि गौशाला भवन, गौसेवक वासस्थान, शिव मन्दिर, बुद्ध मूर्तिसँगै, राशिअनुसारको वृक्षारोपण गरी बगँैचा निर्माण गरिसकिएको छ । यो क्षेत्रको निर्माणाधीन कार्यहरू सम्पन्न भएपछि नेपालकै आकर्षक धार्मिक तीर्थका रूपमा विकास हुने देखिएको छ । धार्मिक ग्रन्थहरूमा पनि उल्लेख यो नदी किनार पवित्र तीर्थस्थलका रूपमा विकास भएसँगै आन्तरिक तथा बाह्य पर्यटनका रूपमा विकास हुने धर्मगुरु शास्त्री बताउछन ।
