१३ चैत, विराटनगर।
सरकारले जारी गरेको लकडाउन उल्लंघन गर्ने ८८ सवारी साधन मोरङ प्रहरीले नियन्त्रणमा लिएको छ । जिल्लाका विभिन्न ठाउँमा लकडाउन उल्लंघन गर्नेहरुबाट सो संख्याका सवारी साधनहरु नियन्त्रणमा लिईएको हो ।

नियन्त्रणमा लिईएकाहरु मध्ये मोटरसाईकल–७०, ट्रयाक्टर २, सिटीरटेम्पो–५, स्कुटी–२ र साईकल ९ वटा रहेका छन् । विश्वभर फैलिरहेको कोरोना भाईसरको नियन्त्रण तथा रोकथामका लागि सरकारले यही ११ गतेदेखि लकडाउनको घोषणा गरेको थियो ।

लकडाउनमा सरकारले अत्यावश्यक कामका लागि वा अत्यावश्यक सेवा प्रवाहका लागि मात्र बाहिर निस्कन अन्यथा घरमै बस्न सरकारले आग्रह गरेको छ ।