१६ भदौ, विराटनगर ।
मोरङ जिल्लाभर जारी निषाधाज्ञा एक साता लम्ब्याईएको छ । जिल्ला प्रशासन कार्यालय मोरङले भदौ ५ गतेबाट जारी निषेधाज्ञा जिल्लाभरी लागू हुनेगरी २२ गते राति १२ बजेसम्मका लागि लम्ब्याउने निर्णय गरेको छ ।
निषेधाज्ञाको अबधिमा जोर गते जोर नम्बरका र बिजोर गते बिजोर नम्बरका निजी सवारी साधन सञ्चालन गर्न पाइने, सार्वजनिक सवारी साधन सञ्चालनमा रोक लगाइएको भएपनि सिटीरिक्सा सञ्चालनगर्न खुल्ला गरिएको प्रमुख जिल्ला अधिकारी कोषहरि निरौलाले जानकारी दिए ।निषेधाज्ञाले जिल्लाको जनजीवन कष्टकर बन्दै गएको, दैनिक ज्यालादारी गरेर जीवन गुजारा गर्नेलाई जीवनयापनमा कठिनाई भएकोले जीवनयापन सहज बनाउने गरी निषेधाज्ञाको मापदण्ड परिमार्जन गरिएको निरौलाले जानकारी जानकारी दिए ।
जिल्लाभर राति ९ बजेदेखि विहान ५ बजेसम्म हिँडडुल गर्न प्रतिबन्ध लगाइएको छ । त्यस्तै यसअघि दिनको १२ बजेसम्म मात्र बजार तथा पसल खुल्ला गरिएकोमा बजार तथा पसल अब ४ बजेसम्म खुल्ला हुने भएको छ । प्रशासनले शनिबार भने अत्यावश्यक बाहेकका पसल सञ्चालनमा रोक लगाएको जनाएको छ । निषेधाज्ञाको अबधिमा सैलुन, ब्युटीपार्लर, गुद्रीबजार, हाटबजार, जीमखाना लगायत भने खोल्न नपाइने भएको छ । यस्तै भेला, महोत्सव, जात्रा जस्ता सामूहिकगतिबिधि, गर्न पनि रोक लगाईएको छ ।
त्यस्तै सरकारी कार्यालयले आलोपालो गरी न्युनतम् संख्यामाकर्मचारी राखेर भदौ २१ गतेबाट तालिकाअनुसार सेवा सञ्चालनगर्नुपर्ने छ भने उद्योगहरुले स्वास्थ्य सुरक्षा मापदण्ड पालना गरेर सञ्चालनगर्न पाउने भएका छन । पछिल्लो समयमा जारी निषेधाज्ञाको समेत ब्यापक रुपमा मोरङमा उल्लघंन हुदै आएको छ।
