१ कार्तिक , एजेन्सी ।
अमेरिकी सेनाले यमनको हुथी समूहविरुद्ध बम वर्षा गरेको छ । रक्षामन्त्री लोइड अस्टिनले बुधबार बी–२ स्टिल्थ विमानबाट बम खसाइएको बताएका हुन् । अस्टिनले ५ भूमिगत हतियारण भण्डारण क्षेत्रलाई निसाना बनाइएको बताए ।
हुथीहरूले सो क्षेत्रमा सैनिक र गैरसैनिक जहाजलाई निसाना बनाउने हतियार भण्डार गरेको स्थानमा प्रहार गरिएको अस्टिनको भनाइ छ । ‘यो हाम्रा शत्रुहरूले हाम्रो पहुँचभन्दा बाहिर राख्न खोजेको स्थानलाई पनि निसाना बनाउन सक्ने अमेरिकाको क्षमताको प्रदर्शन हो।
त्यस्तो निसाना जतिसुकै भूमिगत, किल्लाबन्द वा कठोर किन नहोस्,’ अस्टिनले भनेका छन् । अमेरिकी सेनाको बी–२ स्पिरिट बमबर्षक विमानले आवश्यक पर्दा जहाँसुकै र जहिलेसुकै निसाना लगाउन सक्ने उनको भनाइ छ ।
हुथी सञ्चालित टेलिभिजनले पनि राजधानी सानानजिक आक्रमण भएको बताएको छ । तर, क्षतिको विवरण दिएको छैन । गत एक वर्षदेखि लाल सागरमा हुथी समूहले इजरायलसँग सम्बन्ध भएका जहाजहरूलाई निसाना लगाउँदै आएका छन् ।
अलजजीरासंग कुरा गर्दै अस्टिनले भने, हुथीहरुले यो हतियारहरुको प्रयोग इजरायलमाथि हमला गर्न र लाल सागर र अदनको खाडीबाट गुज्रिने व्यापारिक जहाजहरुलाई निशाना बनाउन गर्दै आएका थिए । जसलाई अमेरिकाले बुधबार नष्ट पारेको हो ।
अस्टिनले भने, यो हमला राष्ट्रपति बाइडेनको आदेशमा गरिएको हो, हामीले हुथी समूको हतियारहरुको ५ डिपोलाई निशाना बनाएका हौं । अमेरिकी अधिकारीहरूले रेड सी र एडेनको खाडीमा सैन्य र नागरिक जहाजहरूलाई लक्षित गर्न प्रयोग गरिने हतियारहरूलाई लक्षित गरेको बताएका छन् ।
अमेरिकी सेनाले यस हमलाका लागि बी–२ स्पिरिट बम्बर प्रयोग गरेको छ। यमनमा हुथी विद्रोहीविरुद्ध अमेरिकाले स्टिल्थ बमवर्षक प्रयोग गरेको यो पहिलो पटक हो। स्थानीय समय अनुसार बिहीबार बिहान यमनमा यो हमला गरिएको हो ।
बी २ स्पिरिट बम्बर लडाकु जेट भन्दा धेरै ठूलो स्टेल्थ प्लेटफर्म हो। यो लडाकु विमान भन्दा धेरै मात्रामा बम बोक्न सक्षम छ। यसअघि अमेरिकी केन्द्रीय कमाण्डले यमनमा कारबाहीका लागि लडाकु विमान प्रयोग गर्दै आएको थियो ।
बी २ स्पिरिट बम्बर फाइटर जेट भन्दा धेरै ठूलो स्टेल्थ प्लेटफर्म हो। यो लडाकु विमान भन्दा ठूलो परिमाणमा बम खसाल्न सक्षम छ। यसअघि अमेरिकी केन्द्रीय कमाण्डले यमनमा कारबाहीका लागि लडाकु विमान प्रयोग गर्दै आएको थियो ।
बी २ स्पिरिट एक बहु–भूमिका बमवर्षक हो, जुन परम्परागत र आणविक हतियार दुवै बोक्न सक्षम छ। यसलाई अमेरिकाको सबैभन्दा खतरनाक स्टिल्थ बम्बर भनिन्छ। छोटो अवधिमा बी२ लाई विश्वको कुनै पनि ठाउँमा ठूलो घातक हमाल गर्न अनुमति दिन सकिन्छ ।
यसले अन्तरमहादेशीय क्षमता प्रदान गर्दै विना इन्धन भरी ९हजार ६०० किलोमिटरसम्म उड्न सक्छ। यो चार इन्जिन स्टिल्थ बम्बरले १८ हजार किलोग्रामसम्मको पेलोड बोक्न सक्छ। ५० हजार फिटको उचाइमा पुग्ने यो बम्बरलाई दुई पाइलटले उडाउँछन् ।
अमेरिकासंग अहिले १९ यस्ता विमान रहेको बताइन्छ । यी विमानहरुको सबैभन्दा महत्वपूर्ण विशेषता भनेको यसले फाइटर जेट्सको तुलनामा निकै धेरै मात्रामा बम र परमाणु बम लैजान सक्छन ।
