२७ कात्तिक, काठमाडौं ।
काठमाडौंबाट हङकङ गएका यात्रुमा कोरोना भाइरस पोजेटिभ देखिएपछि नेपाल एयरलाइन्स (वायुसेवा निगम) लाई पुनः उडानमा रोक लगाइएको छ ।
९ नोभेम्बरमा पीसीआर नेगेटिभ रिर्पोट लिएर नेपाल एयरलाइन्सको उडानबाट हङकङ गएका उनलाई त्यहाँ कोरोना भाइरस पोजेटिभ देखिएको हाे । पुनः उडानमा रोक लगाएसँगै अब नेपाल एयरलाइन्स २५ नोभेम्बरसम्म हङकङ उड्न पाउने छैन । चीन र हङकङले अहिले कोरोना भाइरसको महामारी भित्रन नपाओस् भनी एयरलाइन्सहरुमाथि कडा निगरानी गरिरहेका छन् ।
कम्पनीका अनुसार उडान निषेधका कारण पूर्वनिर्धारित १६ र २३ नोभेम्बरमा हुने उडान रद्ध भएको छ । यात्रुमा कोरोना संक्रमण पुष्टि भएपछि नेपाल एयरलाइन्स हङकङमा प्रतिवन्धमा परेको यो तेस्रोपटक हो । यसअघि कम्पनीले नेपालमा हुने पीसीआर परीक्षणमा प्रश्न उठाएको थियो ।
अर्कोतर्फ पीसीआरका लागि ल्याब दिएपछि अनिवार्य क्वारेन्टिनमा बसेर स्वास्थ्य निर्देशिकाको पालना गर्न समेत नेपाल एयरलाइन्सले यात्रुलाई आग्रह गरेको छ ।
