१५ कात्तिक , एजेन्सी ।
गत फेब्रुअरी २४ देखि सुरु भएको रुस र युक्रेनबीचको युद्ध आज २५० दिन पूरा भएको छ । तर अहिलेसम्म युद्ध बिरामका लागि समेत पहल हुन सकेको छैन् । युक्रेनले क्राइमियास्थित कृष्णसागरमा ड्रोन आक्रमण गरेपछि रुसी राष्ट्रपति भ्लादिमीर पुटिनले त्यसको जवाफ स्वरूप युक्रेनको खार्किभ क्षेत्रमा उर्जा केन्द्र लगायतका क्षेत्रमा ब्यापक हमला गर्दै आएका छन् ।
जसका कारण लाखौं युक्रेनी नागरिकहरू अँध्यारोमा बस्न बाध्य भएका छन् । युक्रेनले रुसी सेनाका लागि खाद्यान्न निर्यात गर्ने बाटोमा ड्रोन आक्रमण गरेको र त्यसबाट रुसी सैनिकलाई खाद्यान्न आपूर्ति गर्ने बाटो समेत रोकिएको दावी रुसले गरेको छ ।
राष्ट्रपति पुटिनले आगामी दिनमा युक्रेनमाथिको आक्रमण थप तीब्र पार्ने चेतावनी दिंदै यसको परिणाम राम्रो नहुने बताएका छन् । मिडिया रिपोर्टहरुका अनुसार रुसले अब युक्रेनविरुद्ध अमेरिकामा तालिम लिएका अफगानिस्तानको स्पेशल फोर्सका सैनिकहरुलाई आफ्नो सेनामा सामेल गर्ने तयारी गरेको छ ।
यसका लागि रुसले उनीहरुलाई विभिन्न आकर्षक अफर गरिरहेको छ । रुसले अब तिनै अफगानी सैनिकहरुलाई युक्रेनविरुद्धको युद्धमा पठाउँने बताइएको छ । पछिल्ला केही महिनाहरुदेखि युद्धमा युक्रेनका साथै रुसका सैनिकहरु पनि ठूलो संख्यामा मारिएका छन् ।
रुसले आफ्ना देशका युवाहरुलाई जबर्जस्ती सेनामा भर्ति गरिरहेको समाचारहरु पनि आइरहेका छन् । त्यसैले पनि रुसले भाडाका सैनिकका साथै अब अफगानिस्तानका सैनिकहरुलाई आफ्नो सेनामा भर्ति गर्न लागेको जानकारहरु बताउँछन् ।
अफगानी पूर्व जनरलहरुका अनुसार रुसी सरकार अफगानी कमांडोहरुलाई आफ्नो सेनामा सहभागि गराउनका लागि विभिन्न खाले प्रलोभनहरु दिइरहेको छ । जसमा १५ सय डलरभन्दा धेरैको तलब सुविधादेखि परिवारको सुरक्षासम्मका प्याकेजहरु छन् । जो तालिबान शासित अफगानिस्तानमा फसेका छन् ।
यद्यपी उनीहरु युद्धमा जान चाहादैनन् तर उनीहरुसंग अर्को विकल्प पनि नभएको अफगानी पूर्व जनरल अब्दुल रावफले बताएका छन् । रुसले अहिले जो अफगानी सेनालाई आफ्नो सेनामा भर्ना गरिरहेको छ ति सबै अमेरिकी सेनासंगै प्रशिक्षित हुन् । तालिबान सरकार पुनः सत्तामा आउनुअघि अफगानिस्तानमा रहेका अमेरिकी सेनाले उनीहरुलाई प्रशिक्षण दिएका थिए ।
उनीहरुसंगै तालिबानविरुद्ध लडाई पनि लडेका थिए । तर हार ब्योहोरेपछि र अमेरिकी सेना फिर्ता भएपछि ति सैनिकहरु पनि भागेर ईरानसहित कयौं देशहरुमा लुक्न पुगेका छन् । अफगानिस्तानका एक सेवानिवृत्त अधिकारी भन्छन्, यि अफगानी कमांडोहरु त्यस्ता भयंकर लडाकुहरु हुन् जो विपक्षी सेनामा तबाही मच्चाएर परिणामलाई पनि पल्टाउन सक्षम छन् ।
