३ मंसिर, काठमाडौं । स्पेन र फ्रान्स युरोपियन नेशन्स लिग फुटबलको फाइनल चरणमा प्रवेश गरेका छन् ।
लिग ‘ए’ अन्तर्गत गएराति भएको समुह ४ को खेलमा जर्मनीलाई ६–० ले हराउँदै स्पेन फाइनल चरणमा पुगेको हो ।
जर्मनीलाई औपचारिक प्रतियोगितामा अहिलेसम्मकै फराकिलो हार दिलाउनेक्रममा स्पेनका फेरान टोरेसले ह्याट्रिक गरे ।
म्यान्चेस्टर सिटीका खेलाडी टोरेसको यो करियरमै पहिलो ह्याट्रिक हो । यसैगरी स्विडेनलाई ४–२ ले हराउँदै फ्रान्स पनि युएफा नेशन्स लिग फुटबलको फाईनल चरणमा प्रवेश गरेका छन् ।
गएराती क्रोएशियालाई ३–२ ले हराएको पोर्चुगल भने फाइनल चरणमा पुग्न सकेन । चार देश सहभागी हुने फाइनल चरणमा पुग्ने दुई टोलीको टुंगो लाग्न बाँकी छ ।
अब बेल्जियम र डेनमार्कमध्ये एक टोली तथा इटाली, नेदरल्याण्ड्स र पोल्याण्डमध्ये एक टोली फाइनल चरणमा पुग्नेछ ।
