झापा, आश्विन २१
झापाको भद्रपुर नगरपालिका–५ मेची खोला नजिकबाट प्रहरीले शनिबार लागु औषध सहित २ जनालाई पक्राउ गरेको छ ।
दिउँसो करिब ४ बजे मे ६ प २३७२ नम्बरको मोटरसाइकलमा भारतबाट नेपाल तर्फ आउँदै गरेका भद्रपुर नगरपालिका– ७ बस्ने बर्ष ३२ को सुबर्ण श्रेष्ठ र झापा हल्दीबारी–१ बस्ने बर्ष ३४ को नारायण गुरुङलाई चेकजाँच गर्ने क्रममा लागुऔषध भेटिएपछि उनीहरुलाई पक्राउ गरिएको हो ।
उनीहरुको साथबाट लागू औषध डाईजेपाम–८८ एम्पुल, फेनारगन–८८ एम्पुल र लुपिजेसिक–८८ एम्पुल बरामद गरिएको हो ।
बरामद लागू औषध सहित दुवै जनालाई वडा प्रहरी कार्यालय भद्रपुरमा राखी थप अनुसन्धान भइरहेको उक्त कार्यालयले जनाएको छ ।
