२२ असार, विराटनगर ।
लकडाउनका कारण हरेक क्षेत्र संकटमा परेको अवस्थालाई मध्यनजर गरी बिराटनगर १२ का जगतप्रसाद अज्र्यालले मेरो माइक्रोफाइनान्स लघुवित्त वित्तीय संस्था लिमिटेड बैजनाथपुर शाखा कार्यालय, मोरङलाई एक महिनाको घर भाडामा सहुलियत दिएका छन् ।
सरकारले एक महिनाको घर भाडामा सहुलियत दिन आग्रह गरिरहेको छ । यस्तै परिस्थितिलाई बुझेर घरबेटी र फाइनान्स बीच भएको सहमति एउटा महत्वपूर्ण थालनी भएको र यस्तै कार्यले समाजको बिकास गर्ने माध्यम रहेको बैजनाथपुर शाखाका प्रमुख नदाकत अलीले बताए ।
०७२ बैशाख १२ गतेको भूकम्पले तहसनहस गरेको भन्दा पनि कोरोना महामारीले सबैलाई हतोत्साही बनाएको अवस्थालाई हेरेर आफूले एक महिनाको घर भाडा छुट गरेको घरबेटी अज्र्यालले बताए । यस्तो संकटको अवस्थामा सबै मिलेर कोरोना महामारी र उत्पन्न संकटलाई आर्थिक रुपान्तरणको अवसरको रुपमा लिनुपर्ने उनले बताए ।
संस्थाले बैशाखदेखि नै सबै शाखाहरु मार्फत साबधानीका साथ घरदैलो कार्यक्रम गरी ग्राहकहरुलाई सेवा प्रवाह गरिरहेको नायब प्रमुख कार्यकारी अधिकृत नबराज दाहालले जानकारी दिए । घरभाडामा पाएको छुट रकमलाई पनि स्थानीय स्तरकै कोरोना भाइरस संक्रमण, रोकथाम, नियन्त्रण तथा उपचार कोषमा सहयोग गर्ने दाहालले बताए ।
मेरो माइक्रोफाइनान्स लघुवित्त वित्तीय संस्था लिमिटेडले कोरोना भाइरस संक्रमण, रोकथाम, नियन्त्रण तथाउपचार कोषमा २५ लाख ६० हजार सहयोग गरिसकेको छ । मेरो माइक्रो फाइनान्स नुवाकोटको बट्टारमा कर्पोरेट कार्यालय रहि देशका ५९ जिल्लामा १ सय २० शाखा कार्यालय र बालग्राम अनुगमन कार्यालय, सुनसरी अन्र्तगत मोरङमा ४ शाखासहित ३ जिल्लामा ८ शाखा कार्यालय मार्फत लघुवित्तीय सेवा प्रदान गरिरहेको छ ।