विराटनगर ःरसियामा जारी विश्वकप फुटबल अन्तर्गत मंगलबार राती स्वीडेन र स्वीट्जरल्याण्ड बीच भएको अन्तिम १६ को खेलमा स्वीडेन १–० ले विजयी भएको छ ।इमिल फोर्सबर्गको प्रहार डिफ्लेक्टेड भएर गोल भएपछि स्वीडेन २४ वर्षपछि पहिलोपटक विश्वकपको क्वार्टरफाइनलमा पुगेको हो ।
सेन्ट पिटर्सबर्ग रंगशालामा भएको खेलमा दुबै टोलीले अवसर बनाए पनि कमजारे फिनिसिङमा गोल गर्न सकेनन्।६६ औं मिनेटमा फोर्सबर्गको सशक्त प्रहार मानुइल अकान्जीको खुट्टामा लाग्दै स्वीट्जरल्यान्डका गोलरक्षक यान सोमरलाई जिल्याउँदै अर्को दिशाबाट गोल हुन पुगेको थियो।
स्वीडेन पछिल्लो पटक १९९४ मा अमेरिकामा भएको विश्वकपको क्वार्टरफाइनल पुगेको थियो। स्वीडेनले १९५८ पछि विश्वकपमा पहिलोपटक लगातार दुई खेल जितेको हो। समूह चरणको अन्तिम खेलमा मेक्सिकोलाई ३–० लाई पराजित गर्दै स्विडेन नकआउट चरणमा आएको हो। स्वीट्जरल्यान्डले नकआउट चरणका सबै खेल हार्दै आएको छ।
कोलम्बियामाथि जित निकाल्दै इङ्ल्याण्ड क्वाटरफाइनलमा
प्रिक्वाटरफाइलनको मंगलबार राति भएको अर्को खेलमा इङ्ल्याण्ड कोलम्बियामाथि जित निकाल्दै क्वाटरफाइनलमा प्रवेश गरेको छ । कडा प्रतिस्पर्धात्मक खेलमा इङ्ल्याण्ड पेनाल्टी सुटआउटमा ४–३ ले बाजी मार्न सफल भएको हो ।
पहिलो हाफमा गोलरहित बराबरीमा टुंगिंएको खेलको करीब दोस्रो हाफको १० मिनेटपछि इङ्ल्याण्डले पेनाल्टीको अवसर पायो । कप्तान हेरी केनले पेनाल्टीको सदुपयोग गर्दै ५७ औं मिनेटमा गोल गरी टोलीलाई अग्रता दिलाए ।इङ्ल्याण्ड जितको नजिकको पुगेको बेलामा कोलम्बियाका डिफेन्डर एरी मिनाले ९० मिनेटपछिको अतिरिक्त समय ९३ औं मिनेटमा गोल गरी बराबरी गरेपछि खेल अतिरिक्त समय हुँदै ट्राइब्रेकरमा पुगेको थियो ।
सुरुमा २–२ गोल भएपछि कोलम्बिया र इङ्ल्याण्डका गोलकिपरले एक–एक पेनाल्टी बचाएको थिए । कोलम्बियाका उरीबले प्रहार गरेको पेनाल्टी पोस्टको बारमा ठोक्किएर बाहिरिएको थियो ।यस खेलसंगै रुस विश्वकपको प्रिक्वाटरफाइनलका खेल सकिएको छ ।
यस्ताे छ क्वाटरफाइलन समिकरण
विश्वकपमा सहभागी ३२ राष्ट्र मध्ये समूह चरणबाटै १६ र अन्तिम १६ बाट ८ गरी २४ टोली प्रतियोगिताबाट बाहिरीसकेकेका छन् ।यो संगै ८ राष्ट्र मात्र रुस विश्वकपको उपाधि दावेदारका रुपमा रहेका छन् । अब क्वाटरफाइलनका खेल आगामी शुक्रबार २ वटा र शनिबार २ वटा हुनेछन् ।सेमिफाईनल प्रवेशका लागि यी खेलहरु हुँदै छन् ।
जुलाई, ६
१.उरुग्वे–फ्रान्स
२.ब्राजिल–बेल्जियम
जुलाई, ७
१.स्वीडेन–इङ्ल्याण्ड
२.रुस–क्रोएसिया
फाइलन खेल जुलाई १५९असार ३१ ० मा हुँदैछ
