१६ साउन, काठमाण्डौ ।
काठमाडौं जिल्ला अदालतको आदेशविरुद्ध पूर्व उपप्रधानमन्त्री रायमाझी र पूर्वगृहमन्त्री खाणले दायर गरेको निवेदनमा उच्च अदालत पाटनले प्रारम्भिक सुनुवाइ गरेको छ। उच्चको एकल इजलासले सुनुवाइ गर्दै कैफियत प्रतिवेदन मगाउने आदेश गरेको छ। उच्चले जिल्ला अदालतको आदेश र पूर्पक्षका लागि थुनामा पठाउने निर्णयको आधार मगाएको हो।
उच्चले अन्य प्रतिवादीहरुको निवेदन पनि एकल इजलासमा पेस गर्दै सबैलाई एउटै इजलासमा राखेर सुनुवाइ गर्ने तयारी गरेको छ। जिल्लाको आदेश चित्त नबुझेर आएकाले सबैको मागदावी साझा हुँदा सँगै राखेर निर्णय गर्ने उच्चको तयारी छ। नक्कली भुटानी सरणार्थी बनाएर अमेरिका पठाउने भन्दै नेपाली नागरिकबाट रकम असुली गरेर भएको ठगी प्रकरणका अभियुक्तहरु काठमाडौं जिल्ला अदालतको थुनछेक आदेशविरुद्ध उच्च अदालत पाटन पुगेका छन्।
नक्कली भुटानी शरणार्थी प्रकरणमा थुनामा परेका १६ जनामध्ये १५ जनाले आफूलाई पुर्पक्षका लागि थुनामा पठाउने काठमाडौं जिल्ला अदालतको आदेशविरुद्ध उच्च अदालतमा निवेदन दिएका हुन् । उच्च अदालतकी प्रवक्ता मन्दिरा शाहीले यो प्रकरणमा उच्च अदालतले कैफियत प्रतिवेदन माग्ने आदेश दिएको छ । कैफियत प्रतिवेदन भनेको मुद्दा र त्यसमा भएको कारबाहीको सक्षिप्त विवरण हो ।
भुटानी शरणार्थी नेता टेकनाथ रिजालले भने हालसम्म उच्च अदालतमा निवेदन दिएका छैनन् । नेपाली नागरिकलाई भुटानी शरणार्थी बनाएर अमेरिका पठाउने ठगी धन्दामा संलग्नताको आरोपमा कांग्रेस नेता बालकृष्ण खाँण, एमाले नेता टोपबहादुर रायमाझी, पूर्वसभासद आङटावा शेर्पा, भुटानी शरणार्थी नेता टेकनाथ रिजाललगायत १६ जना जिल्ला अदालत काठमाडौंको आदेशमा १ असारदेखि थुनामा छन् ।
उच्च अदालतले एमाले नेता रायमाझीको मुद्दामा १२ साउनमा र कांग्रेस नेता खाँणले १४ साउनमा सुनुवाइ गरेको थियो । अहिले उच्चमा दिएको पुनरावलोकन निवेदनमा उनीहरुलाई आफूहरुलाई साधार तारेख र धरौटीमा रिहा गर्न माग गरेका छन्।
जिल्ला अदालतले प्रमाणहरु नहेरी पुर्पक्षका लागि थुनामा पठाउने आदेश गरेको र संलग्नता नै नभएको व्यक्तिलाई समेत प्राप्त प्रमाणलाई समग्रतामा मुल्याङ्कन गर्दै थुनामा पठाउने आदेश भएकाले बदर हुनुपर्ने जिकिर निवेदनमा गरिएको छ।यसअघि जिल्लाले प्रतिवादी लक्ष्मी महर्जनलाई ५ लाख र टंक गुरुङलाई १० लाख रुपैयाँ धरौटी माग गर्ने आदेश गरेको थियो। न
क्कली भुटानी शरणार्थी बनाएर अमेरिका पठाउने भन्दै नेपाली नागरिकबाट रकम असुली गरेर भएको ठगी प्रकरणमा पूर्व उपप्रधानमन्त्री एवम् एमाले नेता रायमाझी, पूर्वगृहमन्त्री एवम् कांग्रेस नेता खाण, गृह मन्त्रालयका तत्कालीन सचिव पाण्डे, तत्कालीन गृहमन्त्री एवम् एमाले नेता रामबहादुर थापा बादलका सुरक्षा सल्लाहकार ईन्द्रजित राईसहित १८ जना पक्राउ परेका थिए। उनीहरुविरुद्ध संगठित अपराधसहित ५ अभियोगमा जिल्ला अदालतमा मुद्दा दायर भएको थियो।
