२६ बैशाख, काठमाडौँ ।
सत्तारुढ दल नेपाल कम्युनिस्ट पार्टी(नेकपा)का संसदीयदलका उपनेता सुवासचन्द्र नेम्वाङले सरकार कुनै पनि प्रकारको आपराधिक कार्यको पक्षमा नरहेको स्पष्ट पारेका छन् । संघीय संसदको छटौ अधिवेशन अर्थात बजेट अधिवेशनको पहिलो दिन शुक्रबारको प्रतिनिधिसभा बैठकमा शुभकामना मन्तव्य दिँदै उपनेता नेम्वाङले सरकार संविधान कार्यान्वयनमा प्रतिवद्ध रहेको र आपराधिक कार्यको पक्षमा नरहेको बताएका हुन् ।
प्रमुख प्रतिपक्षीदल नेपाली काँग्रेसका नेता शेरबहादुर देउवाले बैठकमा बोल्दै सांसद अपहरण जस्तो अवाञ्छित र आपराधिक गतिविधिमा सरकार संलग्न रहेको आरोप लगाएपछि उपनेता नेम्वाङले सरकारको बचाउ गरेका हुन् । उनले ‘सांसद अपहरण’को यथार्थ यसै अधिवेशनमा आउने पनि बताए । उनले भने “सांसदको अपरहणको कुरा विवादै छैन । कुनै पनिनाममा यस्ता खालका कामहरु हुनु हुदैन । तर भएको के हो ?यथार्थ के हो ? त्यस सम्बन्धी कुराहरु प्नि यही संसद चल्दाचल्दैको अवस्थामा यथार्थ कुरा आउँछ भन्ने मलाई विश्वास छ । हामी कुनै प्रकारका आपराधिक कार्यहरुको पक्षमा छैनौ । ”उनले घुमाउरो शैलीमा सरकार जवाफदेही र पारदर्शी भएको दाबी पनि गरे । उनले भने “यो अधिवेशनले एउटा राम्रो निष्कर्षमाहामीलाई पुराउन सकोस् । देशलाई जवाफदेहीता र पारदर्शीताको टुंगोमा, निष्कर्षमा पुर्याउन यो अधिवेशनले महत्वपुर्ण भूमिकानिर्वाह गर्न सकोस् । यसमाहाम्रो भुमिका रहन्छ । हाम्रो सहयोग रहन्छ । ”
उनले मुलुक अत्यन्तै अप्ठ्यारो र चुनौतिपुर्ण अवस्थामा रहेकाले समस्या सम्बोधन गर्ने सन्र्दभमा सबै एकजुट भएर अघि बढ्नुपर्ने आवश्यकता औँल्याए । उनले कारोना संक्रमण रोकथाम र नियन्त्रणका लागि लकडाउन विकल्पहिन बाध्यता र आवश्यकता भएको बताए । उनले कोरोनाले क्षति पुराएको विविधपक्षको सम्बोधन गर्नका यो अधिवेशनमा आधारहरु तय गर्दै अघि बढ्नुपर्ने आवश्यता रहेकाले त्यस अभियानमा सबैको सहयोग प्राप्तहुने विश्वास आफुले लिएको बताए । । प्रमुखप्रतिपक्षी लगायत सम्पुर्ण प्रतिपक्षी दललाई कोरोना विरुद्धको लडाईमा एकजुट भएकोमा सरकारको तर्फबाट धन्यवाद दिए । उनले यो अधिवेशनले बजेट संगै शान्ति प्रक्रियाका बांकी कामलाई पनिअन्तिम टुंगोमा पुर्याउने विश्वास व्यक्त गरे । सत्य निरुपण तथा मेलमिलाप र वेपत्ता आयोग सम्बन्धी कानुन निर्माण अन्तिम चरणमा पुगेको यसै अधिवेशले टुंगो लगाउने विश्वास आफुले लिएको बताए ।
