एजेन्सी, पुस २२
बलिउड अभिनेता सलमान खानले भिलेन ‘दबंग ३’ का भिलेन तथा साउथ सुपरस्टार किच्चा सुदिपलाई कार उपहार दिएका छन् । सलमान आफँलेै भर्खरै रिलिज चलचित्र ‘दबंग ३’का भिलेन किच्चालाई उनको घरमा पुगेर कार उपहार दिएका हुन् ।
भारतीय मिडियाका अनुसार सलमानले उनलाई ‘बीएमडब्लु एम ५’ उपहार दिएका हुन् । सलमान र किच्चा अभिनीत ‘दबंग ३’ ले बक्स अफिसमा १५० करोड भन्दा बढीको कलेक्सन गरिसकेको छ ।
सलमानले घरमै आएर उपहार दिएपछि किच्चाले लेखेका छन्–‘तपाइसँग जहिले पनि राम्रो नै हुन्छ, जब तपाई राम्रो काम गर्नुहुन्छ । सलमान खानले मलाई यो लाइनमा भरोसा गर्न सिकाएका छन् । उनी मेरो घरमा प्यारो उपहारसहित आएका थिए ।’
आफू र आफ्नो परिवारलाई यति धेरै माया दिएको भन्दै किच्चाले सलमानलाई धन्यवाद समेत दिएका छन् ।