१५ पुष,एजेन्सी ।
बलिउडका दबङ स्टार सलमान खान अभिनित बहुप्रतिक्षित फिल्म सिकन्दरको टिजर सार्वजनिक भएको छ । यसको टिजरले नै रेकर्ड तोडेको छ। सलमान खानको जन्मदिनको भोलिपल्ट सार्वजनिक गरिएको यस फिल्मको टिजरले अलचल मच्चाएको छ।
एक्सन प्रदान देखिने चलचित्रको टिजरमा मिश्रित प्रतिक्रिया आइरहेका छन् । यो टिजर ट्रेन्डिङमा पहिलो नम्बरसम्म पुगेको थियो । सिकन्दरको टिजरलाई २४ घण्टामै युट्युबमा ४२ मिलियनभन्दा बढी भ्युज प्राप्त भएको छ ।
एक दिनपछि यो टिजर ५ करोडभन्दा बढी पटक हेरिएको छ र यो संख्या लगातार बढिरहेको छ । सिकन्दरको टिजरले अल्लु अर्जुनको सर्वाधिक प्रतिक्षित फिल्म पुष्पा २ को टिजरको रेकर्ड तोडेको छ ।
पुष्पा २ को टिजरलाई २४ घण्टामा ३९.३ मिलियन भ्युज प्राप्त भएको थियो । यस्तै सालार पार्ट १ को टिजर यस सूचीमा पहिलो नम्बरमा छ। चलचित्रको टिजरलाई २४ घण्टाभित्र ८३ मिलियन भ्युज प्राप्त भएको थियो ।
सिकन्दरको टिजर पाँचौँ नम्बरमा आएको छ । योसँगै शाहरुख खानको डन्की छैटौँ स्थानमा छ । यो फिल्मको टिजरले २४ घण्टामा ३६.८ मिलियन भ्युज पाएको छ । पुष्पा २ भने तेस्रो हप्तासम्म पनि प्रर्दशनरत नै रहेको छ ।
विभिन्न कीर्तिमान बनाइसकेको अल्लु अर्जुनको पुष्पा २ ले नै बक्स अफिसमा राज गरिरहेको छ । तेस्रो हप्ता हलमा चलिरहेको चलचित्रले आइतबार १४.५३ करोड भारु कमाएको छ । सिकन्दरलाई एआर मुरुगादासले निर्देशन गर्दैछन् ।
आगामी इदका अवसरमा प्रर्दशनमा आउने फिल्ममा सलमान खानसँग रश्मिका मन्दाना देखिने छिन् भने काजल अग्रवालको पनि महत्त्वपूर्ण भूमिका रहने छ । टिजरमा दुई सुन्दरीको झलक भने देखाइएको छैन ।
टीजरमा सलमान खानको एक्शन अवतार र संवादले दर्शकहरूको ध्यान आकर्षित गरेको छ। टीजरमा सलमान खानले भनेका छन्, “सुना है बहुत सारे लोग मेरे पीछे पड़े हैं, बस मेरे मुड़ने की देर है।“ यस संवादले चलचित्रमा हुने सम्भावित संघर्ष र एक्शनलाई संकेत गर्दछ।
टीजरको दृश्यमा सलमान खानको प्रभावशाली उपस्थिति र एक्शनले चलचित्रको सम्भावित सफलता र दर्शकहरूको चासोमा वृद्धि गरेको छ। फिल्मको निर्देशन ए.आर. मुरुगदासले गरेका छन्, जसले ’गजिनी’ र ’थेरि’ जस्ता सफल चलचित्रहरू निर्देशन गरेका छन्।
यस चलचित्रमा सलमान खानसँगै सत्यराज, प्रतीक बब्बर र शरमन जोशी जस्ता कलाकारहरूको पनि सहभागिता रहनेछ । टीजरको आधारमा, यो चलचित्र एक्शन र ड्रामा प्रेमीहरूको लागि आकर्षक बन्ने अपेक्षा गरिएको छ।
सिकन्दर भनेको चाँही एक ऐतिहासिक नाम हो, जुन प्राचीन म्यासेडोनिया साम्राज्यका राजा अलेक्ज्याण्डर द ग्रेट को नामबाट आएको हो। उनले चौथो शताब्दी ईसा पूर्वमा विश्वका धेरै भागहरू जितेर ठूलो साम्राज्य स्थापित गरेका थिए ।
उनले भारतसम्मको क्षेत्रसम्म आक्रमण गरेका थिए र त्यसको इतिहासमा ठूलो स्थान राख्छन्। “सिकन्दर“ शब्दको प्रयोग उच्च मान्यता, बल, विजय र असाधारण नेतृत्वका प्रतीकको रूपमा गरिएको छ। सलमानको चलचित्रमा भने यसले एउटा शक्तिशाली, साहसी र विजय प्राप्त गर्ने पात्रको भूमिका बोध गराउने टिजर मार्फत अनुमान गरिएको छ ।
