१३ चैत, विराटनगर । मेरो माइक्रोफाइनान्स लघुबित्त बित्तीय संस्था लिमिटेडले मोरङको सुनबर्षी नगरपालिकाको डायनिया र सुनसरी हरिनगरमा दुई वटा नयाँ शाखाहरुको औपचारिक उद्घाटन गरेको छ ।
ग्रामीण क्षेत्रमा आफ्नो उपस्थितिलाई थप दरिलो बनाउने क्रमसँगै कर्जा लगानी गरि शुक्रवार शाखाको उद्घाटन गरेको संस्थाले जनाएको छ ।
सोही समारोहमा संस्थाका प्रमुख कार्यकारी अधिकृत रामहरि दाहालले ग्राहक सुविधा उपलब्धताको लागि धेरै शाखा विस्तार गर्ने योजना अनुरुप नयाँ शाखाहरु उद्घाटन गर्न पाँउदा हामीलाई खुशी लागेको बताए।
त्यस्तै अनवरत रुपमा आफ्ना सेवा तथा सुबिधाहरु समाजका विभिन्न तह र तप्काका बढि भन्दा बढि ग्राहकहरुलाई उपलब्ध गराउने उद्देश्य अनुसार देशका विभिन्न ठाँउमा आफ्नो शाखा कार्यालयको संजाल बढाउदै लगिरहेको उनले बताए ।
मेरोमाइक्रोफाइनान्स लघुबित्त बित्तीय संस्था लिमिटेडले प्रदेश १ अन्तर्गत १४ जिल्लामा १९ शाखा कार्यालय मार्फत् सेवा प्रदान गरिरहेको छ ।