विराटनगर, पुष ११
स्पार्क नेचुरोपेथी एण्ड फिजियोथेरापी हस्पिटल प्रालिले दोस्रो वार्षिकोत्सव विभिन्न कार्यक्रमको आयोजना गरी मनाएको छ ।
अस्पतालले दोस्रो बार्षिक उत्सवका अवसरमा निःशुल्क स्वास्थ्य शिविर तथा रक्तदान कार्यक्रमको आयोजना गरेको छ । अस्पतालले शनिवार र आइतवार संचालन गरेको निःशुल्क स्वास्थ्य शिविरमा ३ सय १८ जनाले स्वास्थ्य लाभ लिएका छन् । यस्तै अस्पताल प्रांगढमा सञ्चालन गरेको रक्तदान कार्यक्रममा ६५ जनाले रक्तदान गरेको अस्पतालले जनाएको छ ।
२ वर्षको अबधिमा ४३ हजार २ सय ५० जनालाई स्वास्थ्य सेवा पुर्याएको अस्पतालले प्यारालाइसि (पक्षघात) मुख बाङ्गिने, पक्षघात, ढाड, कम्मर, गर्धन दुख्ने, डिस्क प्रोल्याप्स, हड्डी खिइएको र नशा च्यापिएको वाथ–आर्थराइटिस, घुडा जोर्नीहरु दुख्ने लगायतका रोगहरुको सफल उपचार गर्दै आएको डाक्टर अनिल पौडेलले जानकारी दिए ।
बार्षिकोत्सव कार्यक्रमको उद्घाटन गर्दे विराटनगर महानगरपालिकाका मेयर भीम पराजुलीेले अस्पतालले पुर्याएको गुणस्तरीय सेवाको महत्वपूर्ण रहेको भन्दै विराटनगर महानगरपालिका अस्पतालको गुणस्तरीय सेवा प्रवाहमा सहयोग गर्न पछाडि नहटने बताए ।
कार्यक्रममा बोल्दै लामो समयदेखि नशा च्यापिएर हलचल गर्न नसक्ने अवस्थामा पुगेका विराटनगर ८ का खिला निरौलाले स्पार्कले आफूलाई पुर्नजिवन दिएको बताए ।
बार्षिकोत्सवको अवसरमा वरिष्ठ न्युरो सर्जन डाक्टर सुदन ढकाल, युवासंघका सचिव पर्शुराम बस्नेत, अस्पतालका अध्यक्ष रुपेश अधिकारीलगायतले अस्पतालका गतिविधिको जानकारी गराउदै उत्तरोत्तर प्रगतिको शुभकामना दिए । यस्तै उत्कृष्ट काम गर्ने अस्पतालकी कर्मचारी अमिताकुमारी साहलाई १० हजार नगदसहित वर्ष कर्मचारीको उपाधीले सम्मान गरिएको थियो । कार्यक्रममा विभिन्न क्षेत्रका विशिष्ठ व्यक्तित्वहरुको सहभागिता थियो ।
