१९ कार्तिक, विराटनगर ।
भोलि ५ नोभेम्बरमा अमेरिकामा राष्ट्रपति चुनाव हुनुअघि मध्यपूर्वमा चलिरहेको युद्ध पनि यसको चुनावी एजेन्डा बनेको छ । कमला ह्यारिसले जारी युद्ध रोक्न पहल गर्ने, बन्दीहरुलाई फिर्ता ल्याउने, प्यालेस्टाइनीहरु र इजरायलको सम्मानका लागि काम गर्ने प्रतिबद्धता ब्यक्त गरिरहेकी छन् भने डोनाल्ड ट्रम्पले यो उनको चुनावी फण्डा, राजनीतिमात्रै भएको, वास्तवमा उनी यी सब गर्न सक्षम नै नरहेको भन्दै आलोचना गरिरहेका छन् ।
अमेरिकी चुनावलाई समेत मध्यपूर्वको युद्धले तताइरहँदा र युद्ध अन्त्यका लागि पहल गरिने बताइरहँदा यता मध्यपूर्व अब इरान र इजरायलको सिधा युद्धमा होमिने संभावना बढाएको छ । किनभने अब इरानले इजरायललाई घातक जवाफ फर्काउने ठानिसकेको छ ।
इजरायलले हिजबुल्लाहका ठेगानाहरु छानी छानी टार्गेट गरिरहँदा अब इरानले आफूमाथि र आफ्ना सहयोगीमाथि इजरायलले गरेको आक्रमणको बदला लिने र त्यसको तैयारी गरिरहेको बताएको छ । जुन निकै घातक हुनेपनि दाबी गरेको छ ।
अबको पालीमा इरानले यसअघि आफूले गरेका दुई हमलामा प्रयोग नगरिएको अधिक शक्तिशाली वारहेड र अन्य हतियारहरुको प्रयोग गर्नेछ । र यो योजनाहरुका बारेमा इरानी र अरबका अधिकारीहरुले द वाल स्ट्रीट जर्नललाई जानकारी दिएका हुन् ।
मिस्रका एक अधिकारीले द जर्नललाई भनेका छन्, तेहरानले कायरोलाई निजीरुपमा चेतावनी दिएको थियो कि २६ अक्टूबरमा उसको क्षेत्रमा इजरायली हवाई हमलाका लागि उसको प्रतिक्रिया–“मजबूत र जटिल” हुनेछ ।
यस्तै एक इरानी अधिकारीले पनि भनेका छन् अब इरानले जवाफ दिनु अनिवार्य छ किनभने इजरायली हमलामा उसको सेनाका चार सैनिकहरु र एक नागरिकको पनि ज्यान गएको छ । यसकारण जवाफ दिनु आवश्यक छ ।
रिपोर्टमा भनिएको छ, इरानको सेना यो अपरेशनमा सामेल हुनेछ, जुन १३–१४ अप्रिल र १ अक्टूबरमा इस्लामिक रिभोल्यूशनरी गार्ड कर्प्सद्वारा गरिएको मिसाइल हमलाबाट अलग छ।अधिकारीले भने, यो हमला इजरायली सैन्य स्थलहरुलाई “यसअघिको तुलनामा निकै अधिक आक्रामक तरिकाले” लक्षित गरिने छ र इराकी क्षेत्रको उपयोग पनि प्रोजेक्टाइल लन्च गर्नका लागि हुन सक्छ ।
अधिकारीहरुको यो बयान सुन्दा पनि इरानले इजरायलसंग बदला लिनका लागि पुरा तयारी गरिरहेको बुझ्न सकिन्छ । इरानको यो मिलिटरी मूभमेन्टको जानकारी अमेरिकासम्म पुगेको छ । अमेरिकाले इरानलाई उल्टै हुनसक्ने हमलाबाट बच्नु भन्दै धम्की दिएको छ ।
साथै अमेरिकाले आफ्नो नेभीलाई इरान नजिकै तैनाथी बढाएको छ । यसबीच सुपरपावरको वार फ्लिट यूएसएस रूजवेल्ट वार जोनमा पुनः फिर्तीले वर्ल्ड वारको अलार्म बजाएको छ । अहिलेसम्म जुन युद्ध भइरहेको छ त्यो ट्रेलरमात्रै जस्तो थियो, जसमा इजरायलले आफ्नो शत्रु लडाकु समूहलाई मनलाग्दी धुलाई गरिरहेको छ ।
जहाँ मन लाग्यो त्यही पसेर बारुद खन्याइरहेको छ । हिजबुल्लाह, हमास र हूथीले भारी मूल्य चुकाइरहेका छन् । तर अब यी सबै समूहको हेड इरान स्वयंले आफू र आफ्ना यी सहयोगीमाथिको घातक जवाफ दिने बताएपछि र अमेरिकाले समेत ठूलो युद्धको आशंकाले यसक्षेत्रमा आफ्नो तैनाथी बढाएपछि अब युद्ध क्याइमेक्समै पुग्ने देखिएको छ ।
इजरायलको भीषण बमबारी, जंगीअड्डाबाट मिसाइल प्रहार, ट्यांकहरुबाट बारूदी गोलाहरुको वर्षा, आँधीकै रफ्तारमा चलिरहेको ग्राउंड अपरेशनले निकै कुराहरु क्लियर गरिरहेको छ । इजरायल डबल फ्रंटमा दुश्मनलाई निमोठी रहेको छ ।
तर तेहरानबाट आएको इंटेलिजेंस इनपुटले नेतन्याहूको मुटुको चाल बढाइदिएको छ । बाइडनलाई दिइएको जानकारीपछि पेंटागन पनि अलर्ट मोडमा आएको हो । यूएस एयरफोर्सको मिनोट एयरबेसलाई सुपर ऐक्टिभ गरिएको छ ।
खामेनेईले दिएको धम्कीको मात्रै २४ घण्टाभित्रै सिंगो इरानमा सैन्य हलचल बढेको छ । कारण त्यही हो, इरानका सुप्रीम लीडरको त्यो चेतावनी जसमा उनले इजरायलका साथै अमेरिकालाई पनि पाठ पढाउने घोषणा गरेका छन् ।
अब इरानले इजरायललाई जवाफ दिनका लागि आफ्ना सबै सेनाहरुका साथै फाइटर ग्रुपका महाविनाशकारी हतियारहरुको पनि प्रयोग गर्न सक्छ । यसबीच इरानले गर्नेे जायंट अट्याकमा कुन फाइटर ग्रुपले कहां र कुन हतियारहरुले इजरायलमा धावा बोल्छ त्यसको डीटेल पेंटागनमा पनि पुगिसकेको छ ।
सोही कारण बाइडनले इरानलाई डायरेक्ट धम्की दिएर इजरायलमा हमला गर्ने प्रयास नगर्न भनेका छन् । जो बाइडनले तेहरानसम्म यो म्यासेज स्विस च्यानल मार्फत पठाएका हुन् । वाल्ला न्यूजका अनुसार वाशिंगटनले तेहरानलाई साफ संदेश दिएको छ जसमा उसले भनेको छ, यदी इजरायलमा हमला भयो भने अमेरिकाले नेतन्याहूलाई जवाफ दिन रोक्न सक्दैन ।
यसका साथै अमेरिकाले इजरायललाई हर किसिमको सहयोग गर्ने पनि चेतावनी दिएको छ । जुन गर्दै पनि आएको छ । खारमा अमेरिकाले इजरायलका लागि यस्तो सुरक्षा कवच तयार पारेको छ, जसले इरानका सबै हमलालाई असफल बनाउन सक्छ ।
यसको पहिलो झलकका रुपमा वार जोनमा सुपरपावरको बमवर्षक बी ५२ को धमाकेदार एंट्रीबाट पनि देख्न सकिन्छ । जसका साथ अमेरिकाले इरानका मिसाइलहरुलाई निस्तेज पार्नका लागि विध्वंसक जहाज, जंगी जेटको पुरै स्क्वाड्रन र ईंधन भर्ने खालका विमानहरुको पनि तैनाथी बढाएको हो ।
अमेरिकाको यो तयारीको कारण तेहरानका केही स्याटलाइट तस्वीरहरु हुन् । यस्तै स्वयं इजरायली आर्मीको रेडियोले पनि इरानले हमला गर्न लागेको बताएको छ । यस्तै कान न्यूजले पनि इरानले हमलाको संकेत दिने खालको तैयारी गरेको पुष्टि गरेको छ ।
खामेनेईको वार प्लान बारेको पहिलो भनक इराकको मिलिशिया ग्रुप हरकत हिज्बुल्लाह अल–नुजबाका एक टप कमांडरको बयान पछि मात्रै अमेरिका र इजरायलले पाएका हुन् । अल–नुजाबाका टप कमांडर हैदर अल लामीले लेबनानी समाचार पत्र अल अखबारलाई दिएको इंटरव्यूमा इरानका साथ मिलेर इजरायलमा मिसाइल अट्याकको घोषणा गरेको बताएका थिए।
यस्तोमा अर्को सवाल पनि उठेको छ कि इराकको अल नुजबा कति शक्तिशाली छ । के इजरायललाई हल्लाउने दम उसमा छ भन्नेमा पनि प्रश्नहरु उठिरहेका छन् ।१० हजारभन्दा धेरै खूंखार लडाकुहरु रहेको यो ग्रुप हाईटेक हतियारहरु सम्पन्न रहेको बताइन्छ ।
नुजबासंग हूथी र हिजÞ्बुल्लाहको जस्तै लन्ग रेंजसम्म मार हान्न सक्ने रकेटको भंडार रहेको पनि बताइन्छ । नुजबा फाइटर्सले इराकमा अमेरिकाको सैन्य अड्डहरुलाई आएदिन तर्साइरहन्छन्। यद्यपि यो वर्षको सुरुमा अमेरिकाले अल नुजबा ग्रुपका डिप्टी कमांडर मुश्ताक तालिब अल–सैदीलाई मारेको थियो ।
अमेरिकासंग टकराइ रहने अल नुजबा फाइटर्सले अब इजरायललाई पनि आफ्नो निशानामा लिएको घोषणा गरेको छ । यता इरान र उसका सहयोगीबाट बच्नका लागि इजरायलले पनि तैयारी शुरू गरेको छ ।
अरब मिडियालाई इजराइली नौसेनाले मिसाइल बोटलाई स्वेज नहर पार गर्दै लाल सागरमा पुर्याइएको जानकारी दिएको छ । लोरा मिसाइल लोडेड इजरायल नेभीको यो ब्याटलशिपले ४०० किलोमीटर परसम्म हमला गर्न सक्छ ।
यद्यपि, इजरायल, मात्रै आफ्नो नेभीको दममा इरान र ७ फ्रंटमा फाइटर ग्रुपबाट युद्धमा बच्न सक्दैन । जसलाई ध्यानमा राख्दै अमेरिकाले खाडीमा रहेको आफ्नो एयर क्राफ्ट क्यारियर यूएसएस थियोडोर रूजवेल्टलाई अलर्ट मोडमा राखेको हो ।
यूएसएस थियोडोर रूजवेल्टमा एकसाथ ९० जंगी जेटको स्क्वाड्रन चल्छ । यीनका साथ फाइटर हेलिकप्टरहरुको फ्लिट पनि क्यारियरमा रहन्छन् । यो निक्सी टरपीडो काउंटरमेजर्स, आरआईएम ११६ रोलिंग एयरफ्रेम मिसाइल र फालेंक्स सीआईडब्लुएस अर्थात क्लोज इन वेपन सिस्टम ग्याटलिंग गनले सुसज्जित रहेको छ ।
यसबीच के आशंका गरिदैछ भने इरानले ५ नोभेम्बरमा इजरायलमा सबैभन्दा ठूलो हमला गर्न गइरहेको छ । इरानले ५ नोभेम्बरलाई रोज्नुको कारण यसैदिन अमेरिकामा हुने चुनाव हो । रक्षा विश्लेषकहरुका अनुसार इरान चाहान्छ कि जब सिंगो अमेरिकाको फोकस ट्रंप र कमला ह्यारिसमाथि हुन्छ, त्यतिबेला इजरायलमा एक हजारभन्दा धेरै मिसाइल एक साथ प्रहार गर्न चाहान्छ इरान ।
इरानले बारम्बार भनिरहेको छ कि उसको तेस्रो हमला अर्थात अपरेशन ट्रू प्रमिस थ्री निकै घातक हुनेवाला छ र इजरायल पछुताउने छ कि उसले इरानमा पर २६ अक्टूबरमा हमला बेकारमा किन गर्यो भनेर । यसकारण अबको २४ घण्टा निकै अहम मानिएको छ । यसबारे आफ्ना टिप्पणी अवस्य ब्यक्त गर्नुहोला ।
ताजा खबरका लागि नेपाल टाइम्स्को अनलाइन पोर्टल डब्लु डब्लु डब्लु डट नेपाल टाइम्स् डट नेटमा गएर हेर्न सक्नु हुनेछ । यसैगरि हाम्रो युट्युव च्यानल र फेसबुक पेज पनि अवस्य भिजिट गर्नुहोला । तपाईले गर्नु भएको लाइक, कमेन्ट, सेयर र सब्क्राइबका लागि धेरै धन्यवाद । नेपाल टाइम्स् हेर्दै गर्नुहोला नमस्कार ।
