विराटनगर, कार्तिक २७
मोरङ–२ का प्रतिनिधिसभा सदस्य उम्मेदवार मिनेन्द्र रिजालले मतदाता प्रभावित पार्न निर्वाचन आचारसंहिता विपरित पैसा बाँड्न थालेका छन् ।
नेपाली कांग्रेसका तर्फबाट सो क्षेत्रमा प्रतिनिधिसभा सदस्यको उम्मेदवारी दिएका रिजालले रतुवामाइ नगरपालिका–६ स्थित सहयात्री युवा समाजले आयोजना गरेको शब बहान र एम्बुलेन्स खरिदका लागि बृृहत भेलामा बोल्दै पैसा बाँडेका हुन् ।
काकार्यक्रमलाइ सम्बोधन गर्दै उनले भने ‘ म अहिले रकम बताउँदिन तर एम्बुलेन्स तथा शब बाहन खरिदका लागि तपाइँहरु मलाइ तुरुन्त भेट्नुहोस तपाइहरुलाइ गोप्य रुपमा पैसा दिन्छु । चित्त बुझ्ने गरि पैसा दिन्छु । र चुनाव सकिएपछि पनि फेरि थप गरिदिन्छु । ’
उनले आफुले निर्वाचन जितिसकेपछि एम्बुलेन्स तथा शब बहान खरिदका लागि छुटमा खरिद गर्ने व्यवस्था मिलाइदिने समेत आश्वासन दिन ।
कार्यक्रममै उपस्थित बाम गठबन्धनका प्रतिनिधिसभा सदस्य उम्मेदवार ऋषिकेश पोखरेलले सम्बोधन गर्दै आफु कानुनको पुर्ण पालना गर्नेभएकाले एम्बुलेन्स तथा शब बहान खरिदका लागि निर्वाचन सकिएको भोलिपल्ट मात्र बोल्ने बताए ।
उनले भनेँ ‘ म कानुनको पुर्ण रुपमा पालना गर्ने मान्छे भएकाले तपाइहरुलाई पैसा दिन्छु भन्दिन । २१ गते कटोस् म सार्वजनिकरुपमै तपाइँहरुलाइ भन्छु ।’
निर्वाचन आचारसंहिता २०७२ अनुसार मतदातालाइ प्रभावित पार्नेगरि रकम बाड्दा, वा र रकम दिन्छु भन्दा कारबाही हुने व्यवस्था छ । आचार संहिता अनुसार त्यस्ता उम्मेदवारलाइ निर्वाचन आयोगले ६ वर्ष सम्म कुनैपदमा उठ्न नपाउने गरि प्रतिवन्ध लगाउन सक्छ ।त्यस्तै १ लाख सम्म जरिमाना गरि कालोसुचीमा राख्न सक्ने क्षेत्रीय निर्वाचन अधिकारी प्रेमप्रसाद सञ्जेलले जानकारी दिए ।
