११ असाेज, काठमाडौं ।
पाकिस्तानका पूर्व क्रिकेट कप्तान शाहिद अफ्रिदीले क्रिकेट कूटनीति मार्फत नेपाल र पाकिस्तानबीचको द्विपक्षीय सम्बन्धलाई थप सुदृढ बनाउने सकिने बताएका छन् ।
आइतबार खेल पत्रकारहरुसँग कुरा गर्दै अफ्रिदीले नेपाल र पाकिस्तान को बीच क्रिकेट कूटनीति स्थापित गर्न जोड दिँदै, दुई देशका जनतालाई जोड्ने क्रिकेट कूटनीति आवश्यक रहेको बताए।
अफ्रिदीले नेपालमा अब्बल क्रिकेट खेल्ने राष्ट्र हुन सक्ने क्षमता रहेको बताए । उनले नेपालमा क्रिकेटको विकासमा विशेष ध्यान दिन सरकारलाई आग्रह गरे ।
आफूले सम्भव भएसम्म नेपाली क्रिकेट राष्ट्रिय टिमलाई समर्थन गर्ने बताउँदै, आफ्रिदीले आगामी दिनहरूमा क्रिकेट खेल्ने नेपाली क्रिकेट टिम लाई पाकिस्तान लैजाने प्रतिबद्धता समेत व्यक्त गरे ।
