३० कार्तिक, काठमाडौं ।
आज नेपाली बजारमा सुनचाँदीको मूल्य बढेको छ ।
नेपाल सुनचाँदी व्यवसायी महासंघका अनुसार सोमबार छापावाल सुन प्रतितोला ९४ हजार ३०० रुपैयाँ कायम भएकोमा मंगलबार पाँच सय रुपैयाँले बढेर प्रतितोला ९४ हजार ८०० रुपैयाँ कायम भएको हो ।
त्यसैगरी, तेजाबी सुन प्रतितोला ९४ हजार ३०० रुपैयाँ कायम भएको छ ।
मंगलबार चाँदीको मूल्यमा पनि तोलामा १० रुपैयाँ बढेको छ । चाँदीको मूल्य प्रतितोला एक हजार २९० रुपैयाँ कायम भएको छ ।
