बोर्ड बैठकले झापा जिल्लाको दमकमा बन्ने ‘चाइना नेपाल फ्रेन्डसीप इन्डस्ट्रियल पार्क’ निर्माणका लागि ६४ अर्ब रुपैयाँको लगानी स्वीकृत गरेको छ । यो परियोजनामा पूर्ण लगानी चाइनाको हुनेछ । औद्योगिक पार्क निर्माणपछि चीनमा स्थापित बहुराष्ट्रिय कम्पनीहरू नेपाल आउन बताइएको छ ।
सीजी ग्रुप र यूएईको सराफबीच भएको सम्झौता अनुसार जनकपुरमा ‘रेल्वे लिङ्क प्राईभेट फ्रेग टर्मिनल’ निमार्णका लागि ७ अर्ब १४ करोडको लगानी स्वीकृत भएको छ । लगानी सम्मेलनकै बेला सो परियोजना सम्बन्धी सम्झौता भएको थियो ।यता, विराटनगरमा ‘मल्टी मोडल लजिस्टिक पार्क’ निमार्णका लागि ७ अर्ब १४ करोडको लगानी स्वीकृत भएको छ । यो पार्क रेलबाट आएका सामानहरु (कार्गो) राख्ने र भन्सार पास गरेर सामान सप्लाई गर्नका लागि प्रयोग हुनेछ ।
यसैगरी, ७६७ मेगावाटको तमोर जलविद्युत आयोजना पनि २ वटा कम्पनीको प्रस्ताव स्वीकृत भएको छ । यो आयोजनाको यसको लागत भने तोकिएको छैन । २ वटा कम्पनीहरु डीपीआर निमार्णका लागि छनोट भएका छन् । ती कम्पनी मध्ये जसले सस्तोमा डीपीआर निर्माण गर्छ, उसले स्वीकृत पाउने लगानी बोर्डले जानकारी दिएको छ । डिपीआरका लागि ग्रीन इन्फास्टक्चर कम्पनी र एचआइडिएसएलको ज्वाइन भेन्चर फुजी इलेक्ट्रिक कम्पनी र जेभी कम्पनीले स्वीकृति पाएका हुन् ।
लगानी बोर्डका प्रवत्ता बलराम रिजालले डीपीआरका लागि ४ परियोजनाले स्वीकृति पाएको बताए । उनले भने–हाम्रोमा लगानी गर्न आउनेहरुका लागि प्रक्रिया लामो भएकोले थोरै मात्रै परियोजनाको स्वीकृत भएको बताए । बोर्डको बैठकमा प्रधानमन्त्री केपी शर्मा ओलीले लगानीको प्रक्रियामा भएको झन्झटहरुको बारेमा सुझाव दिन निर्देशन दिएको र केही समयमा ती कानूनी झन्झट हट्ने बताए । सरकारले लगानी सम्मेलनमा सरकारी ५० र निजी क्षेत्रका १७ गरी ७७ परियोजनालाई सूचीकृत गरेको थियो ।
४ वटा परियोजना अस्वीकृत
गोसाईकुण्ड केवलकार प्रालि, अन्डर ग्राउण्ड केवल लिकं, वाटर टिटमेण्ट प्लान प्रोजेक्ट, आई इन्डिष्ट्रिल पार्क एण्ड कर्मसियल कम्प्लेक्सको परियोजना खारेज भएको छ । यी परियोजनाको कामको अनुभव र दक्षता नभएको कारण अस्वीकृत गरिएको लगानी बोर्डले जनाएको छ । विकासन्युज
