२ मंसिर, मोरङ ।
मोरङको सुन्दरहरैचा नगरपालिका–८ बिराटचोकमा भएको सवारी दुर्घटनामा एक जनाको मृत्यु भएको छ । आईतवार राती पौने ११ बजेको समयमा पूर्वबाट पश्चिम तर्फ जाँदै गरेको को १ ख २४११ नम्बरको ट्रक र बिपरीत दिशाबाट आउँदै गरेको बा ३७ प ८७५९ नम्बरको मोटरसाईकल एक आपसमा ठोक्किदा मोटरसाईकल चालक झापाको कन्काई नगरपालिका–३ का ४४ बर्षीय पेशल के.सी.गम्भीर घाईते भएका थिए ।
घाईते के.सी.लाई उपचारको लागी धरान लैजाने क्रममा बाटोमा नै मृत्यु भएको ईलाका प्रहरी कार्यालय बेलवारीले जनाएको छ । दुर्घटनामा परी ट्रकमा सवार रहेका ईटहरीका यम.पी. रुस्तम र मित्र लाल न्यौपाने घाईते भई उपचारको लागि बिराटनर्सिङ होम पठाईएको तथा ट्रक चालक फरार रहेकोले खोजतलास प्रहरीले जनाएको छ । ट्रक र मोटरसाईकल उक्त कार्यालयको नियन्त्रणमा रहेको छ ।
