३१ बैशाख, झापा ।
झापाको दमक नगरपालिका ५ हरिओम कोलिनीको भित्री सडकखण्डमा टिपरको ठक्करबाट साइकलयात्रीको मृत्यु भएको छ ।
बुधबार बिहान पश्चिमबाट पूर्वतर्फ जाँदै को १ ख ५५२४ नम्बरको टिपरले बिपरीत दिशाबाट आऊँदै गरेको साइकललाई ठक्कर दिंदा साइकलयात्री दमक १ का १६ बर्षीय शोभित दर्जीको घटनास्थलमा नै मृत्यु भएको हो । घटनास्थलबाट साइकललाई ठक्कर दिने टिपर र चालकलाई नियन्त्रणमा लिएको प्रहरीले जनाएको छ ।
