२० भाद्र, एजेन्सी ।
इंग्ल्यान्डले अस्ट्रेलियाविरुद्धको पहिलो ट्वान्टी–२० मा शुक्रबार सनसनीपूर्ण दुई रनको जित निकालेको छ ।
जितका लागि १ सय ६३ रन पछ्याइरहेको अस्ट्रेलियालाई एक समय ३८ बलमा ३९ रन आवश्यक थियो र उसका नौ विकेट बाँकी थिए । तर स्टिभ स्मिथको विकेटसँगै अस्ट्रेलिया नाटकीय पतनको शिकार भयो । अदिल रसिदले एक ओभरमा स्मिथसँगै दुई ब्याट्सम्यानलाई आउट गर्दा अस्ट्रेलियाले १४ बलमा ९ चार मात्र बनाएर ४ विकेट गुमाएको थियो ।
अन्तिम ओभरमा १५ रन चाहिएकोमा अस्ट्रेलिया त्यहाँसम्म पुग्न सकेन् र २० ओभरमा ६ विकेट गुमाएर १ सय ६० रनमै सीमित बन्यो । यसअघि इंग्ल्यान्डले डविड मालनको ६६ र जस बटलरको ४४ रनको सहयोगमा ७ विकेट गुमाएर १ सय ६२ रन बनाएको थियो ।
