२४ भदौ, एजेन्सी । इंग्ल्याण्डसँगको तेस्रो तथा अन्तिम टी ट्वेन्टी अष्ट्रेलियाले पाँच विकेटले जितेको छ ।
इंग्ल्याण्डले दिएको एक सय ४६ रनको लक्ष्य अष्ट्रेलियाले पाँच विकेट गुमाएर तीन बल अघि नै भेटायो । उसका लागि एरोन फिन्च र मिचेल मार्सले समान ३९र३९ रन बनाए ।
यसअघि पहिले ब्याटिङ गरेको इंग्ल्याण्डले २० ओभरमा ६ विकेट गुमाएर एक सय ४५ रन बनाएको थियो ।
उसका जोनी ब्रेस्टोले सर्वाधिक ५५ रन बनाए । तीन खेलको श्रृंखला यसअघि नै इंग्ल्याण्डले जितिसकेको छ । इंग्ल्याण्ड र अष्ट्रेलियाबीच आगामी शुक्रबारदेखि तीन खेलको एकदिवसीय श्रृंखला सुरु हुँदैछ ।
