अबैध लागुऔषध सहित ३ जना पक्राउ

0SHARES

२० मंसिर २०७६ नेपाल टाईम्स

२० मंसिर, झापा ।

झापाको बिर्तामोड नगरपालिका ५ स्थित पूर्व पश्चिम राजमार्गबाट ३ जना लागुऔषध ब्राउनसुगर सहित पक्राउ परेका छन्।

बिहिवार साँझ ७ बजे ईलाका प्रहरी कार्यालय अनारमनिबाट गस्तीमा खटिएको प्रहरी टोलीले १ युवती सहित ३ जनालाई १२ ग्राम ७ सय मिलिग्राम ब्राउनसुगर सहित पक्राउ गरेको हो ।

पक्राउ पर्नेहरुमा बिर्तामोड बस्ने २१ बर्षीय राजकुमार राजवंशी, ईलाम घर भएका १९ बर्षीय समिर महत र काठमाण्डौ सिनामंगलकी १८ बर्षीया पुजा शंकर रहेकी छिन् । मे १ ह २४३० नम्वरको अटोरिक्सामा सवार गरी आएका तिनै जनालाई चेकजाँच गर्ने क्रममा सोही अटोका चालक समेत रहेका राजकुमार राजवंशीको साथबाट १२ ग्राम ब्राउनसुगर, १० पिस treedol ट्याब्लेट, नगद ५९ हजार ६ सय रुपैयाँ र पुजाको साथबाट ७ सय मिलिग्राम ब्राउनसुगर फेला पारी बरामद गरिएको उक्त कार्यालयले जनाएको छ। पक्राउ परेका समिर महत भने उनिहरुको सहयोगी रहेको खुल्न आएको छ।

नियन्त्रणमा लिईएको अटो र पक्राउ परेका तिनै जना उपर थप अनुन्सधान भईरहेको सो कार्यालयले जनाएको छ।

विज्ञापन बक्स