अभिनेता पल शाहले गरे कालिकोटका बाढी प्रभावितलाई सहयोग

0SHARES

८ भाद्र २०७७ नेपाल टाईम्स

८ भदौ, काठमाडौँ ।
सामाजिक कार्यमा सक्रिय नायक पल शाहले कालिकोट पुगेर बाढी पहिरो प्रभावितलाई सहयोग गरेका छन् । हाम्रो टिम नेपाल र पल शाह प्रतिष्ठानको सहकार्यमा बाढी पहिरो पीडितका लागि राहत जुटाएका पलले कालिकोट पुगेर राहत वितरण गरेका हुन् । बाढी पहिरो प्रभावित ४० घर परिवारलाई खाद्यान्न, लत्ता कपडा वितरण गरेको नायक पल शाहले बताए ।

कालिकोटको नरहरिनाथ गाउँपालिकामा पहिराे जाँदा ठूलो जनधनको क्षती भएको थियो । देशमा महामारीको विषम परस्थितिमा पनि बाढी पीडितलाई सहयोगको आवश्यकता रहेकाले आफूहरू विभिन्न दुख झेल्दै कालीकोट पुगेको पलको भनाई छ। उनले भने–‘एकातिर कोरोनाको कहर, अर्कोतिर बाढी पहिरोले विग्रिएको सडक, कालिकोटसम्म आइपुग्न सहज थिएन । तर, यात्रा कष्टकर भएपनि कोरोनापछि पहिरोको समस्याले नागरिकहरु विपद्मा परेपछि हाम्रो टिम कालिकोट पुगेको हो ।’

म्यूजिक भिडियो छायांकनमा व्यस्त रहँदा कोरोना संक्रमण बढेपछि पलले काम रोकेका थिए । छायांकनको काम रोकिएपछि उनी आफ्नै सवारी साधान र आवश्यक खाद्यान्न तथा लत्ताकपडा बोकेर त्यता तिर लागेका हुन्।

यसअघि पनि पलले कोरोना रोकथाम तथा नियन्त्रणका लागि भएको लकडाउनका कारण रोजिरोटी गुमेपछि समस्यामा परेका चलचित्र प्राविधिकहरुलाई ५ लाख बराबरको खाद्यान्न तथा स्वास्थ्य सामग्री प्रदान गरेका थिए ।

विज्ञापन बक्स