अमेरिकासँगको वार्तालाई पुनः शुरु गर्ने उत्तर कोरियाको चाह

२४ भाद्र २०७६

२४ भदौ, एजेन्सी ।

उत्तर कोरियाले अमेरिकासँगको वार्तालाई पुनः शुरु गर्न चाहेको त्यहाँका उपविदेशमन्त्रीले बताएकी छन् । उपविदेशमन्त्री चोइ सन हुइले दुवै पक्षको सहमतिमा आफूहरुले विस्तृत रुपमा छलफल गर्न चाहेको उल्लेख गरेकी छन् ।

परमाणु निशस्त्रिकरण सम्बन्धी बृहत छलफलको पक्षमा आफूहरु रहेको उत्तर कोरियाका विदेशमन्त्री चोइ सन–हुइले बताएकी छन् ।

अमेरिकी विदेशमन्त्री माइक पोम्पेओले वार्ता पुनः स्थापित हुन सक्ने आश व्यक्ति गरेपछि उत्तर कोरियाली विदेशमन्त्रीको वक्तव्य आएको हो ।
दुवै पक्षको सहमतिमा वार्तामा बस्न आफूहरु तयार रहेको उनले उल्लेख गरेकी छन् ।

तर विदेशमन्त्री चोइको वक्तव्य आएको केही घण्टापछि नै उत्तर कोरियाले छोटो दूरीमा मारहान्न सक्ने दुईवटा प्रोजेक्टाइल प्रक्षेपण गरेको बताइएको छ । उत्तर कोरियाले पछिल्ला महिना मिसाइल तथा प्रोजेक्टाइल प्रक्षेपणलाई तीव्रता दिएको छ ।

सन् २०१८ मा अमेरिकी राष्ट्रपति डोनाल्ड ट्रम्प र उत्तर कोरियाका नेता किम जोङ–उनबिच पहिलोपटक वार्ता भएको थियो । सो वार्तामा परमाणु निशस्त्रिकरणको प्रक्रिया थाल्ने सहमति भएको थियो ।

तर गएको फेब्रुअरीमा भएको दोस्रो वार्ता बिना सहमति टुंगिएपछि अमेरिका र उत्तर कोरियाबिच ठोस रुपमा वार्ता हुन सकेको छैन ।

Facebook Comments

विज्ञापन बक्स