आईपीएलको अक्सनमा सन्दिप लामिछाने पनि

0SHARES

६ माघ २०७४ नेपाल टाईम्स

काठमाडौँ: बहुचर्चित इण्डियन प्रिमियर लिग क्रिकेट (आईपीएल) को अक्सन लिस्टमा नेपाली युवा क्रिकेटर सन्दिप लामिछाने छनोटमा परेका छन् । नयाँ सिजनको आईपीएलका लागि अक्सन लिस्टमा परेपछि उनको न्यूनतम् मूल्य २० लाख भारतीय रुपैयाँ तोकिएको छ । आईपीएलको अक्सनमा छनोट भएका सन्दीप पहिलो नेपाली क्रिकेट खेलाडी हुन् ।

अब उनलाई आईपीएल खेल्ने टिमले किन्नुपर्ने हुन्छ । अक्सनमा उनलाई आईपीएलका टिमले खरिदका लागि प्रस्ताव गरेमा उनले आईपीएल खेल्न पाउने छन् ।

आईपीएलले अक्सनमा सबैभन्दा धेरै भारतका ३६० जना क्रिकेटरलाई राखेको छ। २१८ जना अन्य खेलाडीसहित सन्दीपसहित अन्य मुलुकका रहेका छन् । अक्सनमा समावेश जम्मा ५७८ जना खेलाडीमा सन्दीप एसोसियट देशको तर्फबाट सूचीमा २७६ नम्बरमा परेका छन् ।

यही जनवरी २७ र २८ मा बैंगलोरमा हुने अक्सनमा आईपीएका टीमहरुले सन्दीपसहितका खेलाडीमाथि बोली लगाउने कार्यक्रम छ । तर, सन्दीपले आईपीएलमा खेल्नका लागि अक्सन लिस्टमा परेर मात्रै हुँदैन । अक्सनमा परेपछि आईपीएलका टिमहरुले उनीमाथि बोली लगाएर किन्नु पनि पर्ने हुन्छ।

छिमेकी भारतमा हुने आईपीएलमा यसअघि केही नेपाली खेलाडीले प्रयास गरेका थिए । नेपालका चर्चित क्रिकेट शक्ति गौचनले पनि आईपीएको चर्चित टोली राजस्थान रोयल्सबाट ट्रायल दिए पनि खेल्न भने पाएनन् ।

विज्ञापन बक्स