आजको मौसम पूर्वानुमान कहाँ कस्तो ?

२८ बैशाख, काठमाडौं । मौसम पूर्वानुमान महाशाखाका अनुसार आज देशका अधिकांस भूभागमा मौसम सामान्यदेखि पूर्ण बदली रहने छ ।

हाल देशमा पश्चिमी न्यून चापीय प्रणाली, दक्षिण–पूर्व भूभाग नजिक रहेको पूर्व–पश्चिम फैलिएको न्युन चापीय रेखा तथा बंगालको खाडीबाट प्रवाह हुने जलवाष्प युक्त हावाको प्रभाव रहेको छ ।

अहिले देशका सुदुरपश्चिम प्रदेश, कर्णालि प्रदेश, गण्डकि प्रदेश र लुम्विनि प्रदेशका भूभागहरुमा सामान्य बदली रहेको छ र बाँकि भूभागहरुमा आंशिक बदली रहेको छ ।

आज दिउँसो देशको पहाडि भूभागमा सामान्य बदली रहने छ । देशका केही स्थानहरुमा मेघगर्जन, चट्याङ्ग र हावाहुरी सहित हल्का देखि मध्यम वर्षाको सम्भावना रहेको छ ।

आज राति अधिकांश भूभागहरुमा सामान्य बदली रहने छ । देशका थोरै स्थानहरुमा मेघगर्जन, चट्याङ्ग र हावाहुरी सहित हल्का देखि मध्यम वर्षाको सम्भावना रहेको छ । साथै प्रदेश नं १ र प्रदेश नं २ का एक÷दुई स्थानमा भारी वर्षाको सम्भावना रहेको छ ।

देशको केही स्थानहरुमा मेघगर्जन, चट्याङ्ग र हावाहुरी सहित हल्का देखि मध्यम वर्षाको सम्भावना रहेकोले आवश्यक सतर्कता अपनाउन महाशाखाले आग्रह गरेको छ ।