२२ चैत, विराटनगर । नेपालमा पछिल्लो २४ घण्टामा १७६ जना कोरोना संक्रमित थपिएका छन् ।
यससँगै नेपालमा संक्रमितको संख्या २ लाख ७७ हजार ९ सय ४४ पुगेको हो ।
यस्तै, २४ घण्टामा ११७ जना कोरोनाबाट मुक्त भएका छन् । हालसम्म २ लाख ७३ हजार २ सय ४० जना संक्रमणमुक्त भएको मन्त्रालयको तथ्यांक छ ।
नेपालमा कोरोना संक्रमणबाट आज कसैको निधन भएको छैन । हालसम्म कोरोनाबाट मृत्यु हुनेको संख्या ३ हजार ३२ नै रहेको छ ।
त्यस्तै १ हजार ६ सय ७२ जना आइसोलेसनमा र ५७ जना क्वारेन्टाइनमा रहेको मन्त्रालयले जनाएको छ । हालसम्म नेपालमा २२ लाख ८५ हजार २ सय ८८ पीसीआर परीक्षण भएका छन् ।
