उदयपुर सिमेन्टको नयाँ व्यवस्थपकीय नेतृत्वमा ४९ करोडको आम्दानी

937SHARES

१२ बैशाख, काठमाडौ । उदयपुर सिमेन्ट उद्योगले तीन महिनाको अवधिमा रु ४९ करोड आम्दानी गर्न सफल भएको छ ।

सिमेन्ट उद्योगमा नयाँ व्यवस्थापकीय नेतृत्वले गरेका सबै प्रयासले धमाधम परिणामहरु दिइरहेका छन् ।

सिमेन्ट उद्योगको आम्दानी चालु आर्थिक वर्षको छ महिनाको आम्दानी बराबर हो ।

उद्योगले चालु आवको साउनदेखि पुस मसान्तसम्म रु ५२ करोड आम्दानी गरेको थियो ।

सो अवधिसम्म उद्योगले छ लाख ९८ हजार ५८६ बोरा सिमेन्ट बिक्री गरेको थियो ।

गोपी न्यौपानेले उद्योगको महाप्रबन्धकको जिम्मेवारी सम्हालेपछिको १०० दिनमा छ लाख ६० हजार १७३ बोरा सिमेन्ट बिक्री भएको हो ।

चालु आवको साउनदेखि पुससम्मको तुलनामा पछिल्लो १०० दिनमा सिमेन्ट उत्पादन र आम्दानी दुवै वृद्धि भएको उद्योगले जनाएको छ ।

छुटाउनुभयो कि?

सम्पूर्ण