४ जेठ, सुर्खेत ।
कर्णाली प्रदेशका विभिन्न जिल्लाका अस्पतालहरुमा उपचाररत थप आठ जना कोरोना संक्रमितको मृत्यु भएको छ ।
योसँगै प्रदेशमा कोरोना संक्रमणका कारण मृत्यु हुनेको संख्या १७० पुगेको प्रदेश स्वास्थ्य निर्देशनालयले जनाएको छ ।
निर्देशनालयका निमित्त निर्देशक डा. रवीन खड्काका अनुसार मृतकमध्ये सुर्खेतका पाँच जना, सल्यानका दुई जना र डोल्पाका एकजना रहेका छन् ।
मंगलबार ५१७ जनाको पीसीआर परिक्षण गर्दा ३५१ जनामा कोरोना संक्रमण पुष्टि भएको छ । त्यस्तै ६२५ जनाको एन्टिजेन २३४ जनामा संक्रमण पुष्टि भएको छ ।
पछिल्लो २४ घण्टामा ४८१ जना संक्रमितहरु निको भएर डिस्चार्ज भएका छन् भने ६६८ जना आइसोलेसनमा रहेको निर्देशनालयले जनाएको छ ।
