काठमाडौँ छिर्ने मुख्य नाका नागढुङ्गामा गाडीको चाप

१० चैत, काठमाडौँ । काठमाडौँको मुख्य नाका नागढुङ्गामा अहिले चापमा गाडी चलिरहेको छ ।

नागढुङ्गा भन्दा केही तल बस बिग्रिएकाले नागढुङ्गा–नौबिसे सडक खण्डमा अहिले एकतर्फी मात्रै गाडी चलिरहेको हो ।

यसले गर्दा चाप बढेको प्रहरीले जनाएको छ । प्रहरीकाअनुसार बिग्रिएको बसलाई बनाउने काम भइरहेको छ ।

बस बनेपछि सडक दुईतर्फी नै खुलाइने छ । यो सडक खण्ड भएर हरेक दिन हजारौँ गाडी काठमाण्डौ भित्रने र बाहिरिने गर्छन् ।

साँघुरो सडक र गाडीको चाप धेरै हुँदा हरेक दिनजसो यो सडकमा जाम हुने गरेको छ।