७ मंसिर, एजेन्सी ।
अफगानिस्तानको राजधानी काबुलमा रकेट आक्रमणमा परी ८ जनाको मृत्यु भएको छ ।
दर्जनौँ घाइते भएका छन् । शनिवार आतंककारी समूहले २३ राउण्ड रकेट आक्रमण गरेको त्यहाँका सरकारी अधिकारीहरुले जानकारी दिएका छन् ।
अधिकारीहरुका अनुसार प्रारम्भिक विवरण अनुसार आक्रमणमा परी ८ जनाको मृत्यु भएको र ३१ जना घाइते भएका छन् ।
घाइते सबैलाई सरकारले उपचारको व्यवस्था गर्ने अफगानिस्ताको गृहमन्त्रालयले जानकारी दिएको छ । उक्त आक्रमणमा तालिवानी समूहको संलग्नता रहेको अफगानी गृह प्रशासनको भनाइ छ ।
