२७ वैशाख, एजेन्सी ।
शनिवार अफगानिस्तानको काबुलमा एक विद्यालय बाहिर विस्फोट हुँदा मृत्यु हुनेको संख्या ६० नाघेको छ।
विद्यार्थीहरु विद्यालयबाट बाहिर आउने क्रममा गराइएको विस्फोटमा अधिकांश छात्राहरुको मृत्यु भएको बीबीसीले उल्लेख गरेको छ।
आक्रमणको जिम्मेवारी हालसम्म कसैले लिएको छैन। सुन्नी इस्लामिस्ट विद्रोहीले आक्रमण गराएको हुन सक्ने अनुमान गरिएको छ।
अफगानिस्तान सरकारले तालिवान विद्रोहीमाथि शंका गरेपनि तालिवानले भने विस्फोटमा आफ्नो संलग्नता नरहेको बताइसकेको छ।
